Qaznews24 ساتيرالىق پاراقشاسىنىڭ اۆتورى تەمىرلان ەڭسەبەك بەس جىلعا شارتتى تۇردە سوتتالدى. بۇل تۋرالى الماتى سوتتارى Telegram ارناسى جازدى، دەپ حابارلايدى “ادىرنا” ۇلتتىق پورتالى.
11 ءساۋىر كۇنى الماتى قالاسىنىڭ ناۋرىزباي اۋداندىق سوتىندا تەمىرلان ەڭسەبەككە قاتىستى قىلمىستىق ءىس بويىنشا سوت پروتسەسى اياقتالدى.
سوت تەمىرلان ەڭسەبەكتىڭ بەس جىلعا باس بوستاندىعىن شەكتەپ، قوعامدىق قىزمەتپەن اينالىسۋعا، ونىڭ ىشىندە جۋرناليست رەتىندە جۇمىس ىستەۋگە، ميتينگتەرگە قاتىسۋعا، سۇحبات بەرۋگە تىيىم سالۋ تۋرالى ۇكىم شىعاردى.
ايتا كەتەيىك، سوت وتىرىسىندا پروكۋرور ديدار قاباەۆ بەس جىلعا باس بوستاندىعىن شەكتەۋدى سۇراعان ەدى.
ەسكە سالايىق، Qaznews24.kz پاراقشاسىنىڭ اۆتورى، بەلسەندى تەمىرلان ەڭسەبەك 17 قاڭتاردا ۇستالعان ەدى. وعان قىلمىستىق كودەكستىڭ "الەۋمەتتىك، ۇلتتىق، رۋلىق، ناسىلدىك، تاپتىق نەمەسە ءدىني ارازدىقتى قوزدىرۋ" بابى بويىنشا ءىس قوزعالعان.
كەيىن پوليتسيا دەپارتامەنتى تەمىرلان ەڭسەبەكتى “ۇلتارالىق الاۋىزدىقتى قوزدىراتىن ايقىن بەلگىلەرى بار ماتەريالدى ورنالاستىرعانى” ۇشىن ۇستاعانىن مالىمدەدى. قۇقىق قورعاۋ ورگاندارىنىڭ دەرەگىنشە، قازىر ەڭسەبەك Instagram پاراقشاسىندا جاريالاعان “يوۋ، ورىستار” ءانىنىڭ اۆتورى ىزدەستىرىلىپ جاتقان كورىنەدى
