پايعامبارعا ءتىل تيگىزگەنى ءۇشىن 24 جىلعا سوتتادى

2982
فوتو:elements.envato.com
فوتو:elements.envato.com

نيگەريا سوتى "پايعامبارعا ءتىل تيگىزەتىن حابارلامالار" ءۇشىن ەر ادامدى 24 جىلعا باس بوستاندىعىنان ايىردى، - دەپ حابارلايدى «ادىرنا» ۇلتتىق پورتالى Deutsche Welle  سايتىنا سىلتەپ.

باسىلىمنىڭ مالىمەتىنشە، وقيعا اتەيست، نيگەريا گۋمانيستىك قاۋىمداستىعىنىڭ پرەزيدەنتى مۋباراك بالا تۋرالى بولىپ وتىر. سولتۇستىك افريكاداعى مۇسىلماندار باسىم تۇراتىن كانو شتاتىنىڭ پروكۋرورلارى بالانىڭ Facebook الەۋمەتتىك جەلىسىندەگى جازبالارىن مۇحاممەد پايعامبار مەن يسلامدى بالاعاتتاپ، «قوعامدىق تىنىشتىقتى بۇزۋعا» باعىتتالعان دەپ مالىمدەدى.

«سونىمەن سوت مۇحاممەد مۇباراك بالانى 24 جىلعا سوتتادى... بۇل ونىڭ سوتتى كۇتۋ ءۇشىن وتكىزگەن ۋاقىتىن ەسكەرەدى»، - دەدى سۋديا فارۋك لوۆان كانو قالاسىندا.

بالانىڭ ۇزاق ۋاقىت بويى كىناسىزدىگىن اقتاپ كەلىپ، بىراق 5 ساۋىردە وتكەن سوت وتىرىسىندا ول «قۇدايعا ءتىل تيگىزدى» دەگەن ايىپتى مويىندادى. باسىلىم ەگەر ەر ادام نيگەرياداعى يسلام شاريعاتى سوتتارىنىڭ بىرىندە سوتتالسا، ول ءولىم جازاسىنا كەسىلۋى مۇمكىن ەكەنىن ءتۇسىندىردى.

ال، حالىقارالىق گۋمانيستىك جانە ەتيكالىق وداق وكىلدەرى سوت شەشىمىن ايىپتاپ، ەر ادامدى بوساتۋعا شاقىردى.

"نيگەرياداعى گۋمانيستىك قوعامداستىق مۇباراك بالانىڭ "قۇدايعا ءتىل تيگىزدى" دەگەن ۇكىمىنە قاتتى تاڭ قالدى. 21-ءشى عاسىرداعى سوتتىڭ Facebook-تەگى جازبالارى ءۇشىن ادامدى سوتتاي الاتىنى ۇيات", - دەدى Humanists International باسقارما مۇشەسى لەو يگۆە.

"ول ءدىني ەمەس پىكىردى بىلدىرەتىن قۇقىق بۇزۋشىلىقتار ءۇشىن ايىپتالىپ، كىنالى دەپ تانىلدى. ءبىز نيگەريا بيلىگىن مۇلدەم ادىلەتسىز جانە مۇلدەم سايكەس كەلمەيتىن ۇكىمنىڭ كۇشىن جويۋعا جانە جازىقسىز دوسىمىز بەن ارىپتەسىمىزدى بوساتۋعا شاقىرامىز", - دەدى گۋمانيستەر حالىقارالىق ۇيىمىنىڭ پرەزيدەنتى ەندريۋ كوپسون.

ايتا كەتۋ كەرەك، مۇنداي وقيعا بىرنەشە ەلدە كەزدەسىپ وتىر. ماسەلەن، قاڭتاردا پاكىستان سوتى قىزدى WhatsApp پەن Facebook جەلىلەرىنە جىبەرگەن «قۇدايعا ءتىل تيگىزەتىن حابارلامالارى» ءۇشىن ءولىم جازاسىنا كەسكەن.

«ادىرنا» ۇلتتىق پورتالى.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket