"قازاقستاندا ادىلدىك تابا الماي، 3 بالاممەن بالكوننان سەكىرىپ كەتۋىم كەرەك پە؟" - پرەزيدەنتكە ۇندەۋ جولداندى

6332
Adyrna.kz Telegram
الماتى قالاسىندا بولعان جول-كولىك اپاتىنىڭ ىشىندە بولعان ازامات ابسادىكوۆ ابدۋل-ءحاديدىڭ جۇبايى گۇلزيرا نۇرقادىرقىزى ادىلەتتىلىكتى تالاپ ەتىپ، پرەزيدەنتكە ۇندەۋ جولدادى.  ونىڭ ايتۋىنشا، جولداسى سارى ءتۇس جانعان كەزدە اۆتوبۋسپەن جولدان وتكەن. الايدا بۇقارالىق اقپارات قۇرالدارى پوليتسيا دەپارتامەنتىنە سىلتەمە جاساي وتىرىپ، جولداسى اۆتوبۋسپەن قىزىل ءتۇس جانعاندا جولدان ءوتتى دەگەن جالعان حابار تاراتقان. وعان قوسا، ۆيدەودا ادامدى باسىپ وتكەن اكىمشىلىكتىڭ اۆتوبۋسى ەكەنى كورىنىپ تۇرسا دا، №98 اۆتوبۋس جولاۋشىنى باسىپ ءولتىردى دەپ جازعان. بۇعان قاتىستى تەرگەۋ مەن سوت پروتسەسىنىڭ قىزمەتى جان-جاقتى جۇرگىزىلمەگەن، دەپ حابارلايدى "ادىرنا" ۇلتتىق پورتالى. 
وتكەن جىلدىڭ قاراشا ايىندا الماتى قالاسىندا اۆتوبۋستار سوقتىعىسىپ، جول-كولىك اپاتى بولدى. قالالىق پوليتسيا قىزمەتى اپات ورنىنان بەينەباقىلاۋ جۇيەلەرىنە تالداۋ جۇرگىزىلگەنىن حابارلادى. تالداۋ دەرەكتەرى بويىنشا، 35 جاستاعى № 98 اۆتوبۋس جۇرگىزۋشىسى ابىلاي حان داڭعىلىمەن وڭتۇستىك باعىتتا كەلە جاتىپ، تولە بي داڭعىلىمەن قيىلىستا باعدارشامنىڭ تىيىم سالۋ سيگنالىنا (قىزىل) شىعىپ كەتكەن. اقىرىندا تولە بي داڭعىلىمەن شىعىس باعىتتا كەلە جاتقان № 201 اۆتوبۋسپەن سوقتىعىسقان. № 201 اۆتوبۋستا 59 جاستاعى جۇرگىزۋشى بولعان.
دەگەنمەن الماتى قالالىق پوليتسيا باسقارماسىنىڭ مالىمدەمەسىمەن  № 98 اۆتوبۋستى تىزگىندەگەن ازاماتتىڭ جارى گۇلزيرا نۇرقادىرقىزى جوققا شىعارادى. جۇرگىزۋشىنىڭ جۇبايى بىرقاتار دەرەكتەردى العا تارتىپ، پرەزيدەنت قاسىم-جومارت توقاەۆقا ۆيدەو-ۇندەۋ جولدادى.
- قايىرلى كەش، قۇرمەتتى قازاقستاندىقتار جانە پرەزيدەنت قاسىم-جومارت كەمەلۇلى توقاەۆ مىرزا! وسى ۇندەۋىمە قۇلاق اسۋلارىڭىزدى سۇرايمىن! زاڭ بارىنە ورتاق. ولاي بولسا جول قوزعالىسى ەرەجەسىنىڭ 13-ءبولىمى 8-تارماعىنا سايكەس، باعدارشامنىڭ رۇقسات بەرەتىن سيگنالى كەزىندە جول قيىلىسىنا كىرگەن جۇرگىزۋشى جول قيىلىسىنان شىعۋداعى باعدارشام سيگنالىنا قاراماستان، بەلگىلى باعىتقا شىعادى.
جول قوزعالىسى ەرەجەسىنىڭ 13-ءبولىمى 9-تارماعىنا سايكەس، باعدارشامنىڭ رۇقسات بەرەتىن سيگنالى ىسكە قوسىلعاندا جۇرگىزۋشى جول قيىلىسى ارقىلى ءجۇرىسىن اياقتايتىن كولىك قۇرالىنا جانە وسى باعىتتاعى جولدىڭ ءجۇرۋ بولىگىندە ءوتۋدى اياقتاماعان جاياۋ جۇرگىنشىگە جول بەرەدى. ءدال وسى زاڭدى جوققا شىعارۋعا كىم قۇقىق بەردى؟ وسى تارماقتار بويىنشا جول قوزعالى ەرەجەسىنىڭ وسى تالابىن ورەسكەل بۇزعان ابدۋللاەۆ ازاتجان سادىكجانوۆيچ كۇدىكتى بولۋى قاجەت ەمەس پە؟ نەگە مەنىڭ جولداسىمدى قاماۋدا ۇستاپ وتىر. نەگە باعدارشامنىڭ اقاۋلىعى، 201-ءشى اۆتوبۋستىڭ جۇرگىزۋشىسىنىڭ كىناسى ەسكەرىلمەيدى؟ نەگە مەنىڭ جولداسىمدى قاۋىپتى قىلمىسكەردەي بارلىق قۇقىعىن شەكتەپ وتىر؟ نەگە تەرگەۋ جانە سوت پروتسەستەرى ءبىر ماسەلەنى ءبىر جاقتى قاراپ وتىر؟ نەگە ساراپتاماعا باستى سۇراقتى ەنگىزبەي وتىر؟ سەبەبى، جاۋاپ ايدان انىق. 201-ءشى اۆتوبۋس جۇرگىزۋشىسىنىڭ جول-كولىك وقيعاسىن بولدىرماۋعا مۇمكىندىگى بولدى. ارادا 35/40 مەتر جەر بار. ال ابدۋللاەۆ سول كۇنى كوشەنى ساتىپ العانداي بارىپ سوعا سالدى؟ جاسىل جانعاندا ادامنىڭ ءبارىن باسىپ-جانشىپ ولتىرە بەرۋگە بولادى دەگەن زاڭ قايدان شىقتى؟ جۇرگىزۋشىلەر جول قاۋىپسىزدىگىنە كوز جەتكىزبەي كولىك باسقاراتىن بولسا ەلدە ادام قالمايتىن شىعار. قۇرمەتتى، قازاقستاندىقتار ءسىز بولىپ، ءبىز بولىپ، ادىلەتسىزدىكپەن بىرگە كۇرەسەيىكشى - دەدى اۆتور.

> MR DN:

 

سونىمەن قاتار، شاعىمدانۋشى بۇعان دەيىن ءوزىنىڭ حاتى مەن ساۋالدارىنا باسشىلىق تاراپىنان ەشقانداي دا جاۋاپ بولماعانىن جەتكىزدى. قوعام مەن اتقارۋشى بيلىكتەن ادىلەتتى قازاقستاندى قۇرۋدىڭ ساۋاتتى شەشىم تالاپ ەتتى.
- ادىلدىكتى ىزدەپ، مەن دە 3 بالامدى الىپ، بالكوننان سەكىرىپ كەتۋىم كەرەك پە؟ مەن دە ادىلەتتى قازاقستان قۇرۋ ءۇشىن ءوزىمدى قۇربان ەتۋىم كەرەك پە؟ ايتىڭىزدارشى!؟ ماعان تاعى دا باسقا قانداي جول قالدى؟ - دەدى اۆتور.
"ادىرنا" ۇلتتىق پورتالى
پىكىرلەر