Qaznews24 satıralyq paraqshasynyń avtory Temirlan Eńsebek bes jylǵa shartty túrde sottaldy. Bul týraly Almaty sottary Telegram arnasy jazdy, dep habarlaıdy “Adyrna” ulttyq portaly.
11 sáýir kúni Almaty qalasynyń Naýryzbaı aýdandyq sotynda Temirlan Eńsebekke qatysty qylmystyq is boıynsha sot proesi aıaqtaldy.
Sot Temirlan Eńsebektiń bes jylǵa bas bostandyǵyn shektep, qoǵamdyq qyzmetpen aınalysýǵa, onyń ishinde jýrnalıst retinde jumys isteýge, mıtıngterge qatysýǵa, suhbat berýge tyıym salý týraly úkim shyǵardy.
Aıta keteıik, sot otyrysynda prokýror Dıdar Qabaev bes jylǵa bas bostandyǵyn shekteýdi suraǵan edi.
Eske salaıyq, Qaznews24.kz paraqshasynyń avtory, belsendi Temirlan Eńsebek 17 qańtarda ustalǵan edi. Oǵan qylmystyq kodekstiń "áleýmettik, ulttyq, rýlyq, násildik, taptyq nemese dinı arazdyqty qozdyrý" baby boıynsha is qozǵalǵan.
Keıin polıııa departamenti Temirlan Eńsebekti “ultaralyq alaýyzdyqty qozdyratyn aıqyn belgileri bar materıaldy ornalastyrǵany” úshin ustaǵanyn málimdedi. Quqyq qorǵaý organdarynyń dereginshe, qazir Eńsebek Instagram paraqshasynda jarııalaǵan “Ioý, orystar” ániniń avtory izdestirilip jatqan kórinedi
