تالدىقورعاندا 3 جاسار بالانى ۇرىپ ولتىرگەن 24 جاستاعى تۇرعىن 10 جىلعا سوتتالدى. بۇل تۋرالى جەتىسۋ وبلىستىق سوتى ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پوراتلى.
"كىنانى جەڭىلدەتەتىن ءمان-جاعدايلاردى، ياعني سوتتالۋشىنىڭ بۇرىن سوتتى بولماعاندىعىن، شىن جۇرەكتەن وكىنۋىن، جابىرلەنۋشىنىڭ ونى كەشىرۋىن جانە كىنانى اۋىرلاتاتىن ءمان-جايلاردىڭ جوقتىعىن ەسكەرە وتىرىپ، سوت سوتتالۋشىعا 10 جىلعا باس بوستاندىعىنان ايىرۋ جازاسىن تاعايىندادى. جازانى قىلمىستىق-اتقارۋ جۇيەسىنىڭ ورتاشا قاۋىپسىز مەكەمەسىندە وتەۋ بەلگىلەندى", - دەدى جەتىسۋ وبلىستىق سوتى ءباسپاسوز قىزمەتىنىڭ وكىلى نۇرسۇلتان ورىنباساروۆ.
ايتا كەتەيىك، 2022 جىلعى قىركۇيەكتە تالدىقورعانداعى اۋرۋحانانىڭ بىرىندە 3 جاسار بالا كوز جۇمدى. دارىگەرلەر بالاعا باس جاراقاتى دياگنوزىن قويعان.
ءسابي ولىمىنە قاتىسى بار دەگەن كۇدىكپەن وسى بالانى قاراپ-باققان 23 جاستاعى جەرگىلىكتى تۇرعىن ۇستالدى. بويجەتكەن ۋۇي-عا قامالدى، بىراق قالالىق سوت كۇدىكتىگە ء"ۇي قاماعى" سانكتسياسىن بەردى. الايدا، كۇدىكتى كەيىن قايتادان تۇرمەگە توعىتىلدى.
"ۇيقاماققا جىبەرىلگەن كۇدىكتى بۇعان دەيىن سوتتالماعان، كىناسىن تولىق مويىنداعان، تەرگەۋدەن قاشپاعان، تۇرعىلىقتى جەرى بولعان. وسىنى نەگىزگە الىپ، سوت ونى ۇيقاماققا جىبەرگەن. بۇل جەردە ءبىز سوتتىڭ شەشىمىن زاڭسىز دەپ سانامايمىز، بىراق نەگىزسىز دەپ سانايمىز. سول سەبەپتى، قىلمىس اۋىر ساناتقا جاتاتىندىقتان، كۇدىكتى قوعام ءۇشىن قاۋىپتى بولۋى مۇمكىن. سوعان سايكەس، ءبىز پروكۋراتۋرا تاراپىنان سوتتىڭ كۇدىكتىنى ۇيقاماققا جىبەرگەن شەشىمىمەن كەلىسپەي، قايتا كۇدىكتىنى قاماۋعا الۋ جونىندە ءوتىنىش حات جولدادىق. سوت ءبىزدىڭ ءوتىنىشىمىزدى قاناعاتتاندىرىپ، كۇدىكتىنى قايتا قاماۋعا الۋ جونىندە شەشىم شىعاردى", - دەگەن ەدى قالا پروكۋرورى باقىتجان اشەەۆ.
اتالعان فاكتى بويىنشا ساراپتاما تاعايىندالا وتىرىپ، تەرگەۋ قر قك 106-بابى 3-بولىگى (ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ) نەگىزىندە جۇرگىزىلدى.
