د.ترامپ ەشكىمدى دە ايار ەمەس.
ۋكراينا، كانادا، گازا، گرەنلانديا، پاناما، ۋران، ت. ب. - اقش - تان تىس جەرلەردەگى دۇنيەلەر عوي. امەريكانىڭ ۇلتتىق مۇددەسىنە قانشاما ماڭىزى بولسا دا...
ونىڭ اكىمشىلىگى ەندى ەلدىڭ ىشىنە ىلاڭ سالىپ، بۇلدىرمەكشى.
ونداي پيعىل بولعاندا نە ىستەۋ كەرەك..؟
دۇرىس، وقىعان مەن بىلگەندى قۋدالاۋ كەرەك. ءتۇرلى جەلەۋمەن...
وتكەن اپتادا عىلىم مەن ءبىلىم سالاسىندا ايتارلىقتاي جاڭالىق بولدى.
بەتكە ۇستار "يەل" ۋنيۆەرسيتەتىنىڭ الەمگە بەلگىلى پروفەسسورلارى: تيموتي سنايدەر، مارسي شور (ەكەۋى دە تاريحشى) جانە دجەيسون ستەينلي (فيلوسوف) د.ترامپ ساياساتى مەن ارەكەتىنە قارسىلىق رەتىندە كانادانىڭ تورونتو ۋنيۆەرسيتەتىنە كەتۋ، ياعني اۋىسۋ تۋرالى شەشىم قابىلدادى.
ياعني، ۇلى جاندار كانادا جەرىنە بارىپ، د ترامپقا قارسى كۇرەستى جالعاستىرماقشى. سولاي دۇرىس بولادى دەپ شەشكەن.
قازىر د.ترامپ ۋنيۆەرسيتەتتەرگە شابۋىلدى ۇدەتىپ وتىر. وسىعان دەيىن ول "كولۋمبيا" ۋنيۆەرسيتەتىنە $400 ملن دولل. فەدەرالدى كومەكتى بەرمەي، قىسىم جاسادى. قازىر "پەنسيلۆانيا" ۋنيۆەرسيتەتىنە تيەسىلى $175 ملن بەرمەي، ۇستاپ وتىر. ماقسات: ءوز دەگەنىنە كوندىرۋ، باعىندىرۋ. "يەلگە" دە قىسىم ارتتى.
بىزدە "الاش ارىستارىنان" وسىنداي ساياساتتىڭ ورشىگەن كەزىندە ايرىلعان بولاتىنبىز. بولشەۆيك توتالدى تۇردە قوعامعا باقىلاۋ ورناتۋ، باسىپ - جانشۋ ماقساتىندا ەلدىڭ قايماعىن قۇرتقان ەدى.
د.ترامپ ەلىنە ۇلكەن زيان كەلتىرۋدە. وعان باعىنباعان ۇلىلار ەلدەن كەتۋدە. وقىعان ادامى جاپپاي كەتسە، اقش - تا بولاشاق بولمايدى.
بولاشاقتى ءبىلىم مەن عىلىم جاسايدى.
اقش - تىڭ قازىرگى تەحنولوگيالىق دەڭگەيىن قامتاماسىز ەتكەن دە نارىق پەن اكادەميالىق بوستاندىق ەدى.
د.ترامپ وسىلاردى ءوز ەركىنە باعىندىرماقشى...
ۇيات - اي!
Dulat Bakishev
