D.Tramp eshkimdi de aıar emes.
Ýkraına, Kanada, Gaza, Grenlandııa, Panama, ýran, t. b. - AQSh - tan tys jerlerdegi dúnıeler ǵoı. Amerıkanyń ulttyq múddesine qanshama mańyzy bolsa da...
Onyń ákimshiligi endi eldiń ishine ylań salyp, búldirmekshi.
Ondaı pıǵyl bolǵanda ne isteý kerek..?
Durys, oqyǵan men bilgendi qýdalaý kerek. Túrli jeleýmen...
Ótken aptada ǵylym men bilim salasynda aıtarlyqtaı jańalyq boldy.
Betke ustar "Iel" ýnıversıtetiniń álemge belgili professorlary: Tımotı Snaıder, Marsı Shor (ekeýi de tarıhshy) jáne Djeıson Steınlı (fılosof) D.Tramp saıasaty men áreketine qarsylyq retinde Kanadanyń Toronto ýnıversıtetine ketý, ıaǵnı aýysý týraly sheshim qabyldady.
Iaǵnı, uly jandar Kanada jerine baryp, D Trampqa qarsy kúresti jalǵastyrmaqshy. Solaı durys bolady dep sheshken.
Qazir D.Tramp ýnıversıtetterge shabýyldy údetip otyr. Osyǵan deıin ol "Kolýmbııa" ýnıversıtetine $400 mln doll. federaldy kómekti bermeı, qysym jasady. Qazir "Pensılvanııa" ýnıversıtetine tıesili $175 mln bermeı, ustap otyr. Maqsat: óz degenine kóndirý, baǵyndyrý. "Ielge" de qysym artty.
Bizde "Alash arystarynan" osyndaı saıasattyń órshigen kezinde aırylǵan bolatynbyz. Bolshevık totaldy túrde qoǵamǵa baqylaý ornatý, basyp - janshý maqsatynda eldiń qaımaǵyn qurtqan edi.
D.Tramp eline úlken zııan keltirýde. Oǵan baǵynbaǵan ulylar elden ketýde. Oqyǵan adamy jappaı ketse, AQSh - ta bolashaq bolmaıdy.
Bolashaqty bilim men ǵylym jasaıdy.
AQSh - tyń qazirgi tehnologııalyq deńgeıin qamtamasyz etken de naryq pen akademııalyq bostandyq edi.
D.Tramp osylardy óz erkine baǵyndyrmaqshy...
Uıat - aı!
Dulat Bakishev
