«سامۇرىق-قازىنا» قىزمەتكەرلەرىنىڭ 10%-ى قىسقارتىلادى، دەپ حابارلايدى "ادىرنا" ۇلتتىق پورتالى.
«سامۇرىق-قازىنا» قورىنىڭ توراعاسى نۇرلان جاقىپوۆ قور قىزمەتكەرلەرىنىڭ 10 پايىزى، شامامەن 650 ادام قىسقارتىلاتىنىن مالىمدەدى. بۇل شەشىم قىزمەتكەرلەردىڭ كوفە ىشكەنى ءۇشىن ەمەس، ناقتى باعالاۋ جۇيەسى مەن تيىمدىلىك كورسەتكىشتەرىنە نەگىزدەلگەنى دە اتالدى.
قىسقارتۋ تەك اكىمشىلىك-باسقارۋ پەرسونالىنا قاتىستى بولادى، وندىرىستىك قىزمەتكەرلەرگە اسەر ەتپەيدى. جاقىپوۆتىڭ ايتۋىنشا، پروتسەسس زاڭ تالاپتارىنا ساي، وبەكتيۆتى تۇردە جۇرگىزىلەدى جانە ناۋرىز ايىنىڭ سوڭىنا دەيىن اياقتالادى.
قىزمەتكەرلەرگە وتەماقى ماسەلەسى ءار جاعدايعا بايلانىستى وزگەرۋى مۇمكىن. بارلىق ەڭبەك ۇجىمىنا ءتيىستى ءتۇسىندىرۋ جۇمىستارى جۇرگىزىلگەن.
پرەزيدەنت قاسىم-جومارت توقاەۆ تاقاۋدا عانا مەملەكەتتىك كومپانيالار، ونىڭ ىشىندە «سامۇرىق-قازىنا» قورىنداعى ارتىق شتات ماسەلەسىن كوتەرگەن بولاتىن. مەملەكەت باسشىسى كەيبىر قىزمەتكەرلەردىڭ ناقتى پايدالى جۇمىس اتقارمايتىنىن اتيقان. پرەزيدەنتتىڭ ايتۋىنشا، مۇنداي كادرلار جۇيەگە ارتىق سالماق ءتۇسىرىپ، ناقتى ناتيجە بەرمەيدى. پرەزيدەنت مەملەكەتتىك كومپانيالاردىڭ قۇرىلىمىن قايتا قاراپ، تيىمدىلىگىن ارتتىرۋ قاجەتتىگىنە توقتالعان.
سونىمەن قاتار مەملەكەت باسشىسى كەيبىر قىزمەتكەرلەر جۇمىس ۋاقىتىن ءتيىمسىز وتكىزەتىنىن سىنعا العان. ونىڭ سوزىنشە، كەيبىرى تۇسكى ۋاقىتتا كافە مەن قوناقۇيلەردە وتىرىپ، جاڭالىق تالقىلاپ، ينتەرنەتتە ۋاقىت وتكىزەدى-ءمىس.
