قازاقتىڭ تەڭگەسىن جاڭا بەلەسكە كوتەرەتىن كەز كەلدى. ەڭ الدىمەن تەڭگەنى كۇنىگە قولعا ۇستايتىنىمىزدى ەسكەرىپ ونى قازاق ۇلتىنىڭ رۋحاني جانە ءبىلىم دەڭگەيىن كوتەرەتىن قۇرال ەتۋ كەرەك.
ەڭ الدىمەن تەڭگەنىڭ بەتىنە قازاقتىڭ بويتۇمارى، تاريحى 5000 جىلدان اساتىن دومبىرانىڭ سۋرەتىن سالۋ كەرەك. مىسالى، يرلانديا ەلى ءوزىنىڭ ساز اسپابى ارفانى ءتول اقشاسىندا بىرنەشە عاسىر بۇرىن - 1862 جىلى بەينەلەگەن ەكەن.
ال، الەمدەگى ەڭ دامىعان ءارى بەدەلدى ەنگلاند ەلى ءوز اقشاسىنىڭ ءبىر جاعىنا حانشايىمنىڭ، ەكىنشى جاعىنا عالىم مايكل فارادەيدىڭ ءجۇزىن بەينەلەگەن.
ال بىزگە نەگە تەڭگەنىڭ ءبىر بەتىنە وتارشىلدىققا قارسى 10 جىل سوعىسقان كەنەسارى حاننىڭ جانە اسپانداعى پلانەتانىڭ اتى بەرىلگەن جالعىز قازاق - ۇلى عالىم قانىش ءساتبايدىڭ سۋرەتتەرىن بەينەلەمەسكە؟
گرەكتەر ءوز اقشاسىنىڭ بەتىنە وتانى ازات بولسىن دەپ "كوتەرىلىڭدەر، ەللادا ۇرپاعى" دەگەن جالىندى سوزدەرى بار ۇران بولعان ءاندى شىعارعان ريگاس ۆەليستينستىڭ ءوز ءانىن شىرقاپ تۇرعانى بەينەلەندى.
نەگە قازاق تەڭگەسىندە "مەنىڭ قازاقستانىم" ءانۇرانىمىزدى شىعارعان سازگەر ءشامشى مەن اقىن جۇمەكەننىڭ سۋرەتتەرى جوق؟ ءتىپتى تەڭگە بەتىنە ءانۇرانىمىزدىڭ سوزدەرى دە جازىلسا ارتىق ەتپەس ەدى.
ء"بىلىمدى مىڭدى جىعادى" دەگەن اتالى ءسوزدى قازاق ءجيى ايتادى. ءسوز بەن ءىستىڭ اراسى الشاق بولماۋى ءتيىس. مىسالى يزرايل ەلى ءوز اقشاسىنىڭ بەتىنە العاشقى ءبىلىم ءمينيسترى زالدان شازاردىڭ سۋرەتىن سالىپتى. قازاقستان تەڭگەسىنىڭ بەتىنە ءال فارابي بەينەسى قايتارىلۋى ءتيىس!
قاي ەل بولسا دا ءوز ءتىلىن جوعارى ۇستايدى. گرەك ءتىلىن شەتەل سوزدەرىنەن ساقتاۋعا ۇلكەن ەڭبەك ءسىڭىرىپ "گرەك ادەبيەتىنىڭ 17 تومدىعىن" جيناقتاۋعا 20 جىلدان استام ءومىرىن ارناعان عالىم ادامانتيوس كورايستىڭ سۋرەتى دە گرەك دراحمنىڭ بەتىنەن ورىن العان.
قازاقتىڭ ءتىلىنىڭ قانداي باي ەكەنىن كورسەتۋگە بۇكىل ءومىرىن ارناعان ۇلى ادەبيەتشى عالىم، جازۋشى مۇحتار اۋەزۇلىنىڭ بەينەسى قازاق تەڭگەسى بەتىنە ورىن الۋعا ابدەن لايىق دەپ بىلەمىن.
قازاق تەڭگەسى ەڭ الدىمەن قازاق ۇلتىن ءوز رۋحاني قۇندىلىقتارى جانە تاريحىمەن ماقتانۋعا جەتەلەيتىن بولۋى كەرەك. وسىلاي بولسا ءبىزدىڭ ۇلتتىق تەڭگەمىز تۋعان ەلىمىزدى الەمگە تانىتۋدا دا مۇمكىنشىلىكتەرى مول. وسىنداي پايدالى ىستەردى باسقا ۇلتتار جاساپ جاتقاندا قازاق تا كوشتەن قالمادى ءتيىس.
قازاقستاننىڭ تاۋەلسىزدىگى انا تىلىمىزدەن باستالادى.
سۋرەتتەردى "الەم اقشالارى: 5-11 سىنىپ وقۋشىلارىنىڭ ارنالعان ەنتسيكلوپەديا" كىتابىنان الدىم. كىتاپتى 2002 جىلى "نەۆا" باسپا ءۇيى شىعارعان.
