بىرىڭعاي جيناقتاۋشى زەينەتاقى قورى 2026 جىلعا ارنالعان ەڭ تومەنگى جەتكىلىكتى شەگىنىڭ مولشەرىن جاريالادى، دەپ حابارلايدى “ادىرنا” ۇلتتىق پورتالى.
بۇل – زەينەتاقى قورىنداعى جەتكىلىكتى شەكتىڭ بيىلعى ءبىر جىل ىشىندەگى ەكىنشى رەت ءوسۋى.
جەتكىلىكتى شەكتەن ارتىلعان قارجىنى ازاماتتار تۇرعىن ءۇي جاعدايىن جاقسارتۋ نەمەسە ەمدەلۋ ماقساتىندا پايدالانۋ مۇمكىندىگىنە يە بولادى.
جاريالانعان مالىمەتكە سايكەس، ەڭ تومەنگى جەتكىلىكتىلىك شەگى جاس ەرەكشەلىگىنە قاراي بەلگىلەنگەن. ماسەلەن، 20 جاستاعى ازامات ءۇشىن تومەنگى شەك – 6,67 ملن تەڭگە بولسا، 30 جاستاعىلار ءۇشىن – 9,75 ملن تەڭگە. ال 40 جاستاعى ازاماتتارعا قاجەتتى ەڭ تومەنگى شەك 13,37 ملن تەڭگەنى قۇرايدى.
جاسى ۇلعايعان سايىن قاجەتتى جيناق كولەمى دە ارتادى. مىسالى، 50 جاستاعى سالىمشىلار ءۇشىن شەك 17,59 ملن تەڭگە، ال 60 جاستاعىلار ءۇشىن 22,5 ملن تەڭگە بولىپ بەلگىلەنگەن.
2026 جىلدىڭ باسىندا بۇل كورسەتكىش 20 جاس – 3 720 000 تەڭگە، 21 جاس – 3 850 000 تەڭگە، 22 جاس – 3 990 000 تەڭگە دەپ بەلگىلەنگەن.
ال ەلىمىزدە ەڭ تومەنگى جالاقى مولشەرى – 85 000 تەڭگە; زەينەتاقىنىڭ ەڭ تومەنگى مولشەرى – 69 049 تەڭگە; ەڭ تومەنگى كۇنكورىس دەڭگەيى – 50 851 تەڭگە.
