كاسىبي ونەرپاز، بەلگىلى حالىق اندەرىن ورىنداۋشى ءدۇلدۇل بەكزات ابىلدى ءىس-cاپار بارىسىندا باسىنان وتكەن كەلەڭسىز وقيعامەن ءبولىستى. ءانشىنىڭ ايتۋىنشا، FlyArystan ۇشۋ كومپانياسىنىڭ قىزمەتى قازاقتىڭ كيەلى دومبىراسىن ءانشىنىڭ وزىمەن بىرگە الىپ كىرۋىنە رۇقسات بەرمەگەن. قازاقتىڭ كيەلى اسپابىن جۇكتەردىڭ اراسىنا تاستاعان. سالدارىنان دوبىرانىڭ شاناعى جارىلىپ، اسپاپ مورت سىنعان. بۇل جايلى "ادىرنا" حابارلايدى.
- بۇگىن 13.12.2022 ج الماتى قالاسىنان پاۆلودار قالاسىنا ۇشۋىم كەرەك بولدى. پاۆلودار قالاسنىڭ يسا بايزاقوۆ اتىنداعى فيلارمونيانىڭ ۇيىمداستىرۋىمەن ء“ان امانات” اتتى سول وڭىردەن شىققان ءداستۇرلى انشىلەردىڭ فەستيۆالىنە. اۋەجايعا تيەسىلى ۋاقىتىندا جەتىپ تىركەۋدەن ءوتىپ جاتسام “دومبىراڭىزدى سالونعا كىرگىزە المايمىز، ەگەردە وزىڭىزبەن بىرگە الىپ جۇرگىڭىز كەلسە تاعىدا ءبىر ادامنىڭ بيلەتىن الۋ كەرەك” دەدى. ەندى؟—دەگەن سۇراق پايدا بولدى؟! ايتەۋىر نە كەرەك ءبىر تۇسىنەتىن ادام تاپپاعان سوڭ باگاج وتكىزەتىن بولىپ شەشتىك. اقشاسىن تولەپ 2 200 تەڭگەسىن، ءتۇسىندىرىپ ايتتىم: - اينالايىندار، بۇل دومبىرا اسپابى ءوزى كىشكەنتاي عانا تارازىعا سالعاندا 800 گرامم عانا شىقتى ابدەن كەپكەن اعاشقوي، ءوزى ەسكى دومبىرا نۇربەك اعاما بەرىپ رەستاۆراتسيادان الىپ شىققان بەتىم ەدى. ءبىر ىڭعايلى جەرگە قويىڭىزدارشى، - دەپ كەتە كەتكەنشە جالىنىپ ايتتىم. “ويي ۋايىمداماڭىز ءبارى دۇرىس بولادى قام جەمەڭىز” دەپ شىعارىپ سالدى. جانە ءبىر تۇسىنبەگەنىم ەگەردە دومبىرا سىنسا ءبىز جاۋاپكەرشىلىكتەن باس تارتامىز دەگەندەرى. ورىستىڭ جىگىتى مەن ءوزىم اسپاپتا وينايمىن اعا ءبارى دۇرىس بولادى دەپ كوندىردى، - دەپ جازدى وقيعا تۋرالى ءانشى.
بۇدان كەيىن ءانشى ءوزىنىڭ قورقىنىشىنىڭ شىندىققا ۇلاسقانىن ايتتى. ونىڭ ايتۋىنشا، كومپانيا دومبىرانى سىندىرۋىن سىندىرىپ الىپ، تولەۋدەن تۇبەگەيلى باس تارتقان.
- ءسۇيتىپ ۇشاققا وتىرعىزۋ باستالدى،ءدال الدىمدا بيلەت قابىلداپ تۇرعان جىگىتتىڭ تەلەفونى شىرىلداپ تۇتقاسىن كوتەرىپ:- ابيلدين بەكزات؟- مەنمىن، دەدىم.- ءسىزدىڭ دومبىراڭىزدى سىندىرىپ الىپتى، لەنتانىڭ ۇستىندە كەتىپ بارا جاتقاندا ۇستىنە اۋىر جۇك قۇلادى، دەپ ماعان قاراپ تۇر باجىرايىپ. كاسساعا قاراي ءوتىڭىز دە دومبىراڭىزدى الىڭىز دەدى. ەندى كاسساعا بارايىن دەسەم ۇشاقتان قالامىن. سوسىن ايتتىم ساپارىمنان قالمايىن كەلگەن سوڭ پاۆلودار قالاسىنان جۇمىسىم سىزدەرمەن بولادى دەپ ۇشىپ كەتتىم. وسىلار ويلارىنا كەلگەندى ىستەپ جۇرە بەرەما ەندى. ەندى بىلمەيمىن نە ىستەيتىنىمدى. وسىنداي جاعداي باستارىڭىزدان وتسە اقىل كەڭەستەرىڭىزدى ايتا وتىرىڭىزدار!!! FlyArystan نەگە دومبىرانى سالونعا الۋ ءۇشىن قوسىمشا بيلەت الۋ كەرەك؟ نەگە مۋزىكالىق اسپاپتى 10 مىڭ مەتر بيىكتىككە كوتەرىلەتىن ۇشاقتىڭ جۇك بولىمىنە تاپسىرۋ كەرەك؟ ءتىپتى جۇك قۇلاماسا دومبىرانىڭ كۇيى قانداي بولاتىنىن بىلەسىزدەر مە؟ مۋزىكانتقا دومبىرا قۇنىن عانا ەمەس (سىزدەر ءۇشىن دومبىرا نە يتاياق نە، بىردەي بوپ تۇر عوي) مورالدى زيانىن دا وتەڭىز، - دەپ تالاپ قويدى اۆتور.
كومپانيانىڭ بۇل ارەكەتىنە رەنىش ءبىلدىرىپ، ىزالانىپ جاتقاندار كوپ.
"سورلىسىڭدار، FlayArystan! اقشادان ولگەندەر. ۇلتتىڭ ءبىر كيەلى مۇلكى عوي. ونى باعاجعا جىبەرۋ دەگەن... ۇشاقتا وسى دومبىرا ماسەلەسى وتە كوپ ورىن الادى. ارسەسە وسى كومپانيا، وسىعان ءتيىستى زاڭ شىعارسىن ۇكىمەت. باسشىلارىن جاۋاپقا تارتسىن! سوتقا بەرىڭىز" دەپ جازدى وقىرماندار بۇعان قاتىستى.
"ادىرنا" ۇلتتىق پورتالى
