Qazaqtyń teńgesin jańa beleske kóteretin kez keldi. Eń aldymen teńgeni kúnige qolǵa ustaıtynymyzdy eskerip ony Qazaq ultynyń rýhanı jáne bilim deńgeıin kóteretin qural etý kerek.
Eń aldymen teńgeniń betine qazaqtyń boıtumary, tarıhy 5000 jyldan asatyn Dombyranyń sýretin salý kerek. Mysaly, Irlandııa Eli óziniń saz aspaby Arfany tól aqshasynda birneshe ǵasyr buryn - 1862 jyly beınelegen eken.
Al, álemdegi eń damyǵan ári bedeldi England eli óz aqshasynyń bir jaǵyna Hanshaıymnyń, ekinshi jaǵyna ǵalym Maıkl Faradeıdiń júzin beınelegen.
Al bizge nege teńgeniń bir betine otarshyldyqqa qarsy 10 jyl soǵysqan Kenesary hannyń jáne aspandaǵy planetanyń aty berilgen jalǵyz qazaq - uly ǵalym Qanysh Sátbaıdyń sýretterin beınelemeske?
Grekter óz aqshasynyń betine Otany azat bolsyn dep "Kóterilińder, Ellada urpaǵy" degen jalyndy sózderi bar uran bolǵan ándi shyǵarǵan Rıgas Velıstınstiń óz ánin shyrqap turǵany beınelendi.
Nege qazaq teńgesinde "Meniń Qazaqstanym" ánuranymyzdy shyǵarǵan sazger Shámshi men aqyn Jumekenniń sýretteri joq? Tipti teńge betine ánuranymyzdyń sózderi de jazylsa artyq etpes edi.
"Bilimdi myńdy jyǵady" degen ataly sózdi qazaq jıi aıtady. Sóz ben istiń arasy alshaq bolmaýy tıis. Mysaly Izraıl Eli óz aqshasynyń betine alǵashqy Bilim mınıstri Zaldan Shazardyń sýretin salypty. Qazaqstan teńgesiniń betine Ál Farabı beınesi qaıtarylýy tıis!
Qaı El bolsa da óz tilin joǵary ustaıdy. Grek tilin shetel sózderinen saqtaýǵa úlken eńbek sińirip "Grek ádebıetiniń 17 tomdyǵyn" jınaqtaýǵa 20 jyldan astam ómirin arnaǵan ǵalym Adamantıos Koraıstiń sýreti de grek drahmnyń betinen oryn alǵan.
Qazaqtyń tiliniń qandaı baı ekenin kórsetýge búkil ómirin arnaǵan uly ádebıetshi ǵalym, jazýshy Muhtar Áýezulynyń beınesi qazaq teńgesi betine oryn alýǵa ábden laıyq dep bilemin.
Qazaq teńgesi eń aldymen Qazaq ultyn óz rýhanı qundylyqtary jáne tarıhymen maqtanýǵa jeteleıtin bolýy kerek. Osylaı bolsa bizdiń ulttyq teńgemiz týǵan Elimizdi álemge tanytýda da múmkinshilikteri mol. Osyndaı paıdaly isterdi basqa ulttar jasap jatqanda Qazaq ta kóshten qalmady tıis.
Qazaqstannyń táýelsizdigi Ana tilimizden bastalady.
Sýretterdi "Álem aqshalary: 5-11 synyp oqýshylarynyń arnalǵan enıklopedııa" kitabynan aldym. Kitapty 2002 jyly "Neva" baspa úıi shyǵarǵan.
