6 ساۋىردە سانكتسيا جاريالانعانان كەيىن ءبىرىنشى ساۋدا كۇنى بۇل بارلىعىنا كەرى اسەر ەتتى. "رۋسال" اكتسيالارى ەداۋىر قۇلادى. رەسەيلىك ءرۋبلدىڭ ەداۋىر وزگەرگەنىن بايقاپ وتىرمىز. بىرىنشىدەن، ءبىزدىڭ ەكونوميكامىزعا اسەرىن باعالاۋ ءۇشىن الداعى ەكى-ءۇش كۇندە جاعداي قالاي ءوربيتىنىن كورۋىمىز قاجەت. سىزدەر بىلەسىزدەر، نارىقتا بۇل قوبالجۋ تۋعىزدى. ونىڭ ۇستىنە كەيبىر ماسەلەلەر ساياساتپەن بايلانىستى. سوندىقتان، ەڭ اۋەلى، رەسەيدە قالاي داميتىنىن باعامداۋىمىز كەرەك. ەگەر رۋبل جۇيەلى تۇردە السىرەسە، وندا بەلگىلى ءبىر اسەرىن تيگىزەتىن شىعار، — دەدى مينيستر.

سۇلەيمەنوۆ قازىر مينيسترلىك ۇلتتىق بانكپەن جۇمىس جۇرگىزىپ جاتقانىن اتاپ ءوتتى.

"قازىر پرەمەر-ءمينيستردىڭ توراعالىعىمەن ەكونوميكالىق ساياسات بويىنشا كەڭەس ءوتىپ جاتىر. وندا بۇل ماسەلە دە قارالادى. قازىرگى تاڭدا رەسەيدەگى جاعداي قانشالىقتى جۇيەلى سيپاتقا يە بولاتىنىن انىقتاپ، سودان كەيىن ءبىزدىڭ ەكونوميكاعا باعا بەرۋگە بولادى",- دەدى ول.

مينيستر رەسەيگە جاريالانعان سانكتسيادان كەيىن ايىرباس پۋنكتەرىندە تەڭگە باعامىنىڭ وزگەرۋى دەۆالۆاتسياعا جاتپايتىنىن اتاپ ءوتتى.

ايتا كەتسەك، اقش رەسەيدىڭ بىرقاتار ءىرى بيزنەسمەندەرى مەن جوعارى شەندى شەنەۋنىكتەرىن، بىرقاتار كومپانياسىن سانكتسيالىق تىزىمگە ەنگىزگەن بولاتىن. وسىنىڭ سالدارىنان رۋبل قۇلدىراپ، رەسەيلىك كومپانيالاردىڭ اكتسيالارى ارزانداپ كەتتى.

بۇگىن ۇلتتىق ۆاليۋتا باعامى ءبىر دوللارعا شاققاندا 324,62 تەڭگەنى قۇرادى. 9 ساۋىردەگى تاڭعى سەسسيانىڭ قورىتىندىسى بويىنشا ءبىر دوللار 320,11 تەڭگە بولعان ەدى.