4 ناۋرىزدا قازاقستان-بريتان تەحنيكالىق ۋنيۆەرسيتەتى (قبتۋ) مەملەكەت مەنشىگىنە ءوتتى. وقۋ ورنى «قايتارىلعان اكتيۆتەردى باسقارۋ كومپانياسىنىڭ» (قابك) بالانسىنا بەرىلدى. بۇعان دەيىن ۋنيۆەرسيتەتكە يەلىك ەتكەن NNEF قوعامدىق قورى (بەنەفيتسيارى – دينارا قۇلىباەۆا) وسىعان قاتىستى سوت شەشىمىمەن كەلىسپەيتىنىن جانە ونى زاڭ اياسىندا داۋلاۋعا نيەتتى ەكەنىن مالىمدەدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
قوردىڭ مالىمدەۋىنشە، 27 اقپاننان باستاپ قبتۋ-دىڭ 100% اكتسياسى قابك-عا تيەسىلى. بۇل پروتسەسس سوت شەشىمى نەگىزىندە جۇزەگە اسقان، ياعني ۋنيۆەرسيتەت ەرىكتى تۇردە بەرىلمەگەن. الايدا NNEF وقۋ ورنىن زاڭدى نەگىزدە يەلەنگەنىن العا تارتىپ وتىر.
ء"بىز قبتۋ-دىڭ تۇراقتى دامۋىنا مۇددەلىمىز. ۋنيۆەرسيتەتتى دامىتۋعا ءارى قاراي ينۆەستيتسيا سالۋعا دايىنبىز. وسىعان بايلانىستى، ءوز قۇقىقتارىمىزدى قالپىنا كەلتىرۋ ءۇشىن زاڭدى شارالاردى قابىلدايمىز", – دەپ مالىمدەدى NNEF.
"2018 جىلى ءبىز قبتۋ-دىڭ 100% اكتسياسىن اشىق كونكۋرس ارقىلى ساتىپ الدىق. ونى تاۋەلسىز Baker Tilly Kazakhstan Advisory كونسالتينگتىك كومپانياسى باعالاپ، كەلىسىم «قازمۇنايگاز» ۇلتتىق كومپانياسىمەن جاسالدى. ساۋدا قۇنى – 12,1 ملرد تەڭگە", – دەپ حابارلادى قور وكىلدەرى.
NNEF ۋنيۆەرسيتەتتى داعدارىس جاعدايىندا قابىلداعانىن اتاپ ءوتتى. ولاردىڭ ايتۋىنشا، 2018 جىلى ستۋدەنتتەر سانى 1,9 مىڭعا جەتپەيتىن، ال ۋنيۆەرسيتەت شىعىنى 2,7 ملرد تەڭگەنى قۇراعان. بىرقاتار ءبىلىم بەرۋ باعدارلامالارى، سونىڭ ىشىندە قازاقستاندىق تەڭىز اكادەمياسى مەن لوندون ەكونوميكا مەكتەبى جابىلۋ الدىندا بولعان.
ۋنيۆەرسيتەتتى باسقارعان جەتى جىل ىشىندە قور وقۋ ورنىن تۇبەگەيلى جاڭارتقانىن مالىمدەدى. ستۋدەنتتەر سانى 7,6 مىڭعا جەتتى، ءبىلىم بەرۋ باعدارلامالارى 68-گە دەيىن ارتقان.
بۇگىندە قبتۋ - قازاقستانداعى ۇزدىك 5 تەحنيكالىق جوعارى وقۋ ورنىنىڭ قاتارىنا كىرەدى جانە QS حالىقارالىق رەيتينگى بويىنشا ورتالىق ازيا مەن شىعىس ەۋروپاداعى ۇزدىك 30 ۋنيۆەرسيتەتتىڭ ءبىرى.
