4 naýryzda Qazaqstan-Brıtan tehnıkalyq ýnıversıteti (QBTÝ) memleket menshigine ótti. Oqý orny «Qaıtarylǵan aktıvterdi basqarý kompanııasynyń» (QABK) balansyna berildi. Buǵan deıin ýnıversıtetke ıelik etken NNEF qoǵamdyq qory (benefııary – Dınara Qulybaeva) osyǵan qatysty sot sheshimimen kelispeıtinin jáne ony zań aıasynda daýlaýǵa nıetti ekenin málimdedi, dep habarlaıdy "Adyrna" ulttyq portaly Orda.kz-ke siltep.
Qordyń málimdeýinshe, 27 aqpannan bastap QBTÝ-dyń 100% akııasy QABK-ǵa tıesili. Bul proess sot sheshimi negizinde júzege asqan, ıaǵnı ýnıversıtet erikti túrde berilmegen. Alaıda NNEF oqý ornyn zańdy negizde ıelengenin alǵa tartyp otyr.
"Biz QBTÝ-dyń turaqty damýyna múddelimiz. Ýnıversıtetti damytýǵa ári qaraı ınvestıııa salýǵa daıynbyz. Osyǵan baılanysty, óz quqyqtarymyzdy qalpyna keltirý úshin zańdy sharalardy qabyldaımyz", – dep málimdedi NNEF.
"2018 jyly biz QBTÝ-dyń 100% akııasyn ashyq konkýrs arqyly satyp aldyq. Ony táýelsiz Baker Tilly Kazakhstan Advisory konsaltıngtik kompanııasy baǵalap, kelisim «QazMunaıGaz» ulttyq kompanııasymen jasaldy. Saýda quny – 12,1 mlrd teńge", – dep habarlady qor ókilderi.
NNEF ýnıversıtetti daǵdarys jaǵdaıynda qabyldaǵanyn atap ótti. Olardyń aıtýynsha, 2018 jyly stýdentter sany 1,9 myńǵa jetpeıtin, al ýnıversıtet shyǵyny 2,7 mlrd teńgeni quraǵan. Birqatar bilim berý baǵdarlamalary, sonyń ishinde Qazaqstandyq teńiz akademııasy men London ekonomıka mektebi jabylý aldynda bolǵan.
Ýnıversıtetti basqarǵan jeti jyl ishinde qor oqý ornyn túbegeıli jańartqanyn málimdedi. Stýdentter sany 7,6 myńǵa jetti, bilim berý baǵdarlamalary 68-ge deıin artqan.
Búginde QBTÝ - Qazaqstandaǵy úzdik 5 tehnıkalyq joǵary oqý ornynyń qataryna kiredi jáne QS halyqaralyq reıtıngi boıynsha Ortalyq Azııa men Shyǵys Eýropadaǵy úzdik 30 ýnıversıtettiń biri.
