4 nauryzda Qazaqstan-Britan tehnikalyq universitetı (QBTU) memleket menşıgıne öttı. Oqu orny «Qaitarylǧan aktivterdı basqaru kompaniiasynyŋ» (QABK) balansyna berıldı. Būǧan deiın universitetke ielık etken NNEF qoǧamdyq qory (benefisiary – Dinara Qūlybaeva) osyǧan qatysty sot şeşımımen kelıspeitının jäne ony zaŋ aiasynda daulauǧa niettı ekenın mälımdedı, dep habarlaidy "Adyrna" ūlttyq portaly Orda.kz-ke sıltep.
Qordyŋ mälımdeuınşe, 27 aqpannan bastap QBTU-dyŋ 100% aksiiasy QABK-ǧa tiesılı. Būl prosess sot şeşımı negızınde jüzege asqan, iaǧni universitet erıktı türde berılmegen. Alaida NNEF oqu ornyn zaŋdy negızde ielengenın alǧa tartyp otyr.
"Bız QBTU-dyŋ tūraqty damuyna müddelımız. Universitettı damytuǧa ärı qarai investisiia saluǧa daiynbyz. Osyǧan bailanysty, öz qūqyqtarymyzdy qalpyna keltıru üşın zaŋdy şaralardy qabyldaimyz", – dep mälımdedı NNEF.
"2018 jyly bız QBTU-dyŋ 100% aksiiasyn aşyq konkurs arqyly satyp aldyq. Ony täuelsız Baker Tilly Kazakhstan Advisory konsaltingtık kompaniiasy baǧalap, kelısım «QazMūnaiGaz» ūlttyq kompaniiasymen jasaldy. Sauda qūny – 12,1 mlrd teŋge", – dep habarlady qor ökılderı.
NNEF universitettı daǧdarys jaǧdaiynda qabyldaǧanyn atap öttı. Olardyŋ aituynşa, 2018 jyly studentter sany 1,9 myŋǧa jetpeitın, al universitet şyǧyny 2,7 mlrd teŋgenı qūraǧan. Bırqatar bılım beru baǧdarlamalary, sonyŋ ışınde Qazaqstandyq teŋız akademiiasy men London ekonomika mektebı jabylu aldynda bolǧan.
Universitettı basqarǧan jetı jyl ışınde qor oqu ornyn tübegeilı jaŋartqanyn mälımdedı. Studentter sany 7,6 myŋǧa jettı, bılım beru baǧdarlamalary 68-ge deiın artqan.
Bügınde QBTU - Qazaqstandaǧy üzdık 5 tehnikalyq joǧary oqu ornynyŋ qataryna kıredı jäne QS halyqaralyq reitingı boiynşa Ortalyq Aziia men Şyǧys Europadaǧy üzdık 30 universitettıŋ bırı.
Ūqsas jaŋalyqtar
