بيىل قازاقستانعا مەملەكەتتەن زاڭسىز شىعارىلعان 40 ميلليارد تەڭگەنىڭ اكتيۆى قايتارىلدى، دەپ حابارلايدى "ادىرنا" ۇلتتىق پورتالى.
بۇل تۋرالى باس پروكۋرور بەرىك اسىلوۆ ۆەدومستۆونىڭ ءبىرىنشى جارتىجىلدىقتاعى جۇمىس قورىتىندىسىنا ارنالعان القانىڭ كەڭەيتىلگەن وتىرىسىندا مالىمدەدى.
باس پروكۋراتۋرانىڭ مالىمەتىنشە، قايتارىلعان اكتيۆتەردىڭ 37,7 ميلليارد تەڭگەسى اقشالاي قاراجات بولسا، 2,3 ميلليارد تەڭگەسى مۇلىك تۇرىندە مەملەكەت مەنشىگىنە وتكەن.
جيىندا بەرىك اسىلوۆ زاڭسىز شىعارىلعان اكتيۆتەردى قايتارۋ جانە ولاردى ەل ەكونوميكاسىنىڭ زاڭدى اينالىمىنا تارتۋ باعىتىنداعى جۇمىستارعا ەرەكشە توقتالدى.
سونىمەن قاتار ارناۋلى مەملەكەتتىك قور قاراجاتى ەسەبىنەن 39 الەۋمەتتىك نىسان پايدالانۋعا بەرىلگەنى ايتىلدى. ولاردىڭ قاتارىندا اقتاۋ قالاسىنداعى جەدەل مەديتسينالىق جاردەم ستانتسياسى، شىمكەنت قالاسىنداعى ستۋدەنتتەر جاتاقحاناسى، استاناداعى قاجىمۇقان مۇڭايتپاسوۆ اتىنداعى فۋتبول ستاديونى جانە بالقاش قالاسى اۋەجايىن رەكونسترۋكتسيالاۋ جوباسى بار.
