قازاقستان ازاماتىنان ليمۋزينگە تولەنەتىن ميلليوندىق سالىق الىنىپ تاستالدى، دەپ حابارلايدى “ادىرنا” ۇلتتىق پورتالى Liter.kz سايتىنا سىلتەپ.
جامبىل وبلىستىق سوتى سالىق ورگانىنىڭ كولىك سالىعى بويىنشا بەرەشەگىن زاڭسىز ەسەپتەۋىنە شاعىمدانعان ليمۋزين يەسىنىڭ شاعىمىن قارادى.
بەلگىلى بولعانداي، تالاپكەردىڭ يەلىگىندە 1999 جىلعى Lincoln Town CAR ماركالى ليمۋزين بار. سالىق ورگانى وعان 2022-2024 جىلدارى ارالىعىندا كولىك سالىعى مەن ءوسىمپۇلدار بويىنشا 1,7 ميلليون تەڭگەدەن استام سومانى تولەۋ تۋرالى حابارلاما جىبەرگەن.
وسىدان كەيىن ليمۋزين يەسى سوتقا جۇگىندى، سەبەبى ول سالىقتىڭ زاڭسىز ەسەپتەلگەنىن ايتتى.
"تالاپكەر كولىك قۇرالىن جەڭىل اۆتوموبيل رەتىندە سالىق سالۋدى زاڭسىز دەپ سانايدى، سەبەبى تىركەۋ كۋالىگىنە سايكەس، بۇل كولىك ارنايى جولاۋشىلار كولىگى ساناتىنا جاتادى. بۇل فاكت سوتتا ماماننىڭ قورىتىندىسىمەن جانە كەدەن وداعىنىڭ تەحنيكالىق رەگلامەنتتەرىمەن راستالدى. جاۋاپكەر سوتتا اۆتوكولىكتى جەڭىل اۆتوموبيلدەر قاتارىنا جاتقىزۋدى راستايتىن دالەلدەر ۇسىنعان جوق", — دەپ حابارلادى جامبىل وبلىستىق سوتىنىڭ رەسمي وكىلى ايناش ماحامبەتوۆا.
سوت سالىق ورگانىنىڭ ارەكەتتەرىن زاڭسىز دەپ تانىپ، كولىك سالىعى بويىنشا قارىزدى الىپ تاستاۋ تۋرالى شەشىم شىعاردى.
"جامبىل وبلىستىق سوتىنىڭ اكىمشىلىك ىستەر بويىنشا سوت القاسى ءبىرىنشى ينستانتسيا سوتىنىڭ تالاپ ارىزدى قاناعاتتاندىرۋ تۋرالى شەشىمىنە قوسىلىپ، كورسەتىلگەن قۇقىق بۇزۋشىلىقتاردىڭ جاۋاپكەردىڭ ارەكەتتەرىنىڭ زاڭسىزدىعىن بىلدىرەتىنىن اتاپ ءوتتى", — دەپ حابارلادى سوت. جاۋاپكەر دە سوتتىڭ شەشىمىن جويۋدى سۇرادى.
