بلوگەرلەر سالىعىنا قاتىستى شۋدان كەيىن، 12 بلوگەر 1,4 ملرد تەڭگە كىرىسىنە ەسەپ تاپسىرعان. بۇل تۋرالى مەملەكەتتىك كىرىستەر كوميتەتءى مالىمدەدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، دەكلاراتسيالانعان كىرىستەن ولار 73,6 ملن تەڭگە سالىق تولەدى.
قازىرگى كەزدە 854 بلوگەرگە «ەسكەرتۋ» جىبەرىلگەن. ولار 71,9 ملرد تەڭگە سوماسىنداعى كىرىسىنە ەسەپ تاپسىرىلماعان. بلوگەرلەر بۇل ەسكەرتۋگە 30 جۇمىس كۇنى ىشىندە جاۋاپ بەرۋى كەرەك.
«مەملەكەتتىك كىرىستەر كوميتەتى كىرىستەردى تومەندەتۋ بويىنشا كامەرالدىق باقىلاۋ تۋرالى حابارلامالاردى ورىنداۋ شارالارىن جالعاستىرىپ جاتىر. وسى شارالار بارىسىندا 12 بلوگەر ءوز ەركىمەن 1,4 ملرد تەڭگە كولەمىندە قوسىمشا تابىستارىن دەكلاراتسيالاپ، 73,6 ملن تەڭگە سالىق تولەدى»، – دەلىنگەن مەملەكەتتىك كىرىستە كوميتەتىنىڭ حابارلاماسىندا.
ەسكە سالساق، بۇعان دەيىن كىرىستەر كوميتەتى 550-گە تارتا بلوگەردىڭ 53 ملرد تەڭگەدەن اسا كىرىسىن سالىق ەسەبىندە كورسەتپەگەنىن مالىمدەگەن بولاتىن.
