Qazaqstan azamatynan lımýzınge tólenetin mıllıondyq salyq alynyp tastaldy, dep habarlaıdy “Adyrna” ulttyq portaly Liter.kz saıtyna siltep.
Jambyl oblystyq soty salyq organynyń kólik salyǵy boıynsha bereshegin zańsyz esepteýine shaǵymdanǵan lımýzın ıesiniń shaǵymyn qarady.
Belgili bolǵandaı, talapkerdiń ıeliginde 1999 jylǵy Lincoln Town CAR markaly lımýzın bar. Salyq organy oǵan 2022-2024 jyldary aralyǵynda kólik salyǵy men ósimpuldar boıynsha 1,7 mıllıon teńgeden astam somany tóleý týraly habarlama jibergen.
Osydan keıin lımýzın ıesi sotqa júgindi, sebebi ol salyqtyń zańsyz eseptelgenin aıtty.
"Talapker kólik quralyn jeńil avtomobıl retinde salyq salýdy zańsyz dep sanaıdy, sebebi tirkeý kýáligine sáıkes, bul kólik arnaıy jolaýshylar kóligi sanatyna jatady. Bul fakt sotta mamannyń qorytyndysymen jáne Keden odaǵynyń tehnıkalyq reglamentterimen rastaldy. Jaýapker sotta avtokólikti jeńil avtomobılder qataryna jatqyzýdy rastaıtyn dálelder usynǵan joq", — dep habarlady Jambyl oblystyq sotynyń resmı ókili Aınash Mahambetova.
Sot salyq organynyń áreketterin zańsyz dep tanyp, kólik salyǵy boıynsha qaryzdy alyp tastaý týraly sheshim shyǵardy.
"Jambyl oblystyq sotynyń ákimshilik ister boıynsha sot alqasy birinshi ınstanııa sotynyń talap aryzdy qanaǵattandyrý týraly sheshimine qosylyp, kórsetilgen quqyq buzýshylyqtardyń jaýapkerdiń áreketteriniń zańsyzdyǵyn bildiretinin atap ótti", — dep habarlady sot. Jaýapker de sottyń sheshimin joıýdy surady.
