Aqpanda AI-92 qymbattaıdy. Bul týraly Qazaqstan janarmaı qaýymdastyǵy málimdegen, dep habarlaıdy “Adyrna” ulttyq portaly kolesa.kz saıtyna siltep.
Aqparatqa sáıkes, Qazaqstan janarmaı qaýymdastyǵy memleket benzın men dızel baǵasyn retteýden bas tartqandyqtan 1 aqpannan bastap Energy Group jáne «Qazmunaıgaz» sııaqty jetkizýshiler janarmaıdyń kóterme baǵasyn ósirgenin jarııalaǵan.
Qaýymdastyq ókilderiniń boljamynsha, osy aıda kásipkerler quny joǵary taýar alyp jatyr. AI-92-niń baǵasy orta eseppen 4 teńge kóterildi. Sol sebepti qystyń aıaǵyna qaraı janar-jaǵarmaı sol shamada qymbattaıdy.
Sala mamandary benzın baǵasyna qosylǵan ár 4 ne 3 teńgeniń 80 %-y jańa akız túri retinde bıýdjetke túsetinin atap ótti. Qosymsha akız mólsherlemesin bekitetin úkimet qaýlysyna enetin túzetý daıyndalǵanmen, áli qabyldanǵan joq.
Biraz ýaqyt buryn shendiler benzın baǵasyn birtindep kóteremiz dep ýáde bergen, AI-92-niń baǵasy 300 teńgege jetedi.
