پاۆلودار وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بالالار فۋتبول كلۋبىنىڭ 31 جاستاعى باپكەرىنە قاتىستى ۇكىم شىعاردى، دەپ حابارلايدى "ادىرنا" ۇلتتىق پورتالى.
كۇدىكتى "كامەلەتكە تولماعان تۇلعاعا قاتىستى زورلىق-زومبىلىقپەن سەكسۋالدىق ارەكەتتەر جاساۋ" جانە "كامەلەتكە تولماعان ادامعا كۇش قولدانۋ ارقىلى ەسىرتكى قولدانۋعا ماجبۇرلەۋ" باپتارى بويىنشا ايىپتالدى.
سوت وتىرىسى جابىق ءوتتى. ەر ادام كىنالى دەپ تانىلىپ، ءومىر بويىنا باس بوستاندىعىنان ايىرىلعان. سوتتالۋشى جازاسىن قاتاڭ رەجيمدەگى مەكەمەدە وتەيتىن بولادى.
سوتتىڭ مالىمەتىنشە، زورلىق-زومبىلىق قۇربانى 11 جاستاعى مەكتەپ وقۋشىسى بولىپ شىقتى. قىلمىس 2024 جىلدىڭ 1 قىركۇيەگىندە بولعان.
"سوتتالۋشى ك الداۋ ارقىلى 2013 جىلى تۋعان كامەلەتكە تولماعان قىزدى قوناقۇيگە اكەلىپ، ونى قوناقۇي اكىمشىسىنە وزىنىڭ قارىنداسى رەتىندە تانىستىرىپ، ءبىر بولمەگە ورنالاسىپ، ودان كەيىن سەكسۋالدىق سيپاتتاعى زورلىق-زومبىلىق ارەكەتتەرىن جاساعان. بارلىق دالەلدەر بار. ولاردىڭ بالامەن بىرگە كىرىپ، كەيىن شىعىپ بارا جاتقانى تۇسىرىلگەن ۆيدەولار بار. سوندىقتان سوتتا بۇل قىلمىستى كۇدىكتىنىڭ جاساعانىنا ەش كۇمان بولعان جوق", – دەدى سۋديا.
