Pavlodar oblysynyń qylmystyq ister jónindegi mamandandyrylǵan aýdanaralyq soty balalar fýtbol klýbynyń 31 jastaǵy bapkerine qatysty úkim shyǵardy, dep habarlaıdy "Adyrna" ulttyq portaly.
Kúdikti "kámeletke tolmaǵan tulǵaǵa qatysty zorlyq-zombylyqpen seksýaldyq áreketter jasaý" jáne "kámeletke tolmaǵan adamǵa kúsh qoldaný arqyly esirtki qoldanýǵa májbúrleý" baptary boıynsha aıyptaldy.
Sot otyrysy jabyq ótti. Er adam kináli dep tanylyp, ómir boıyna bas bostandyǵynan aıyrylǵan. Sottalýshy jazasyn qatań rejımdegi mekemede óteıtin bolady.
Sottyń málimetinshe, zorlyq-zombylyq qurbany 11 jastaǵy mektep oqýshysy bolyp shyqty. Qylmys 2024 jyldyń 1 qyrkúıeginde bolǵan.
"Sottalýshy K aldaý arqyly 2013 jyly týǵan kámeletke tolmaǵan qyzdy qonaqúıge ákelip, ony qonaqúı ákimshisine óziniń qaryndasy retinde tanystyryp, bir bólmege ornalasyp, odan keıin seksýaldyq sıpattaǵy zorlyq-zombylyq áreketterin jasaǵan. Barlyq dálelder bar. Olardyń balamen birge kirip, keıin shyǵyp bara jatqany túsirilgen vıdeolar bar. Sondyqtan sotta bul qylmysty kúdiktiniń jasaǵanyna esh kúmán bolǵan joq", – dedi sýdıa.
