اتىراۋدا پوليتسەيدىڭ ەكەرتۋىن ەلەمەگەن جۇرگىزۋشى جول اپاتىن جاساعان. جول-كولىك وقيعاسىنان جۇگىزۋشى مەن جولاۋشى كوز جۇمدى، دەپ حابارلايدى "ادىرنا" ۇلتتىق پورتالى.
قايعىلى وقيعا 15 قاڭتاردا بولعان.
"پاترۋلدىك پوليتسيا روتاسىنىڭ قىزمەتكەرلەرى رەسپۋبليكالىق ماڭىزى بار تاس جولدا قاۋىپسىزدىكتى ساقتاۋ ءۇشىن كۇن سايىن رەيد جۇرگىزۋدى قولعا الدى. كەشە، 15 قاڭتار كۇنى، ساعات 14:00 شاماسىندا جولدىڭ تايعاق بولۋىنا بايلانىستى جۇرگىزۋشىلەرگە ەسكەرتۋ جاسالعان. الايدا دوسسور-قۇلسارى-بەينەۋ تاس جولىنىڭ 53-شاقىرىمىندا قوعامدىق اۆتوكولىك پەن Chevrolet Cobalt اۆتوكولىگى سوقتىعىسى. جول اپاتىنىڭ سالدارىنان جەڭىل كولىكتى جۇرگىزگەن 48 جاستاعى جۇرگىزۋشى مەن جولاۋشى وقيعا ورنىندا كوز جۇمدى", - دەپ حابارلادى دەپارتامەنتتىڭ ءباسپاسوز قىزمەتى.
قازىر اتالعان دەرەككە قاتىستى تەرگەۋ جۇمىستارى ءجۇرىپ جاتىر.
"كولىك جۇرگىزۋشىلەرىنە اۋا رايىنىڭ قۇبىلۋىنا، جولدىڭ تايعاق بولۋىنا بايلانىستى قاۋىپسىزدىك شارالارىن قاتاڭ ساقتاۋدى ەسكەرتەمىز. اسىرەسە، ارا قاشىقتىقتى ساقتاپ، جىلدامدىقتى شامامدان تىس اسىرماعان ءجون", - دەپ ءمالىم ەتتى دەپارتامەنتتىڭ ءباسپاسوز قىزمەتىنەن.
ەسكە سالا كەتەلىك، بۇعان دەيىن الماتى وبلىسىندا اۆتوبۋس جاياۋ جۇرگىنشىنى قاعىپ، مەرت قىلعانى حابارلانعان ەدى.
