17 ناۋرىزدا رەسەيدە نەمىس ۇلتتىق وكرۋگىنە قاراستى گريشكوۆكا اۋىلى ماڭىندا شىمكەنت-نوۆوسيبيرسك باعىتىمەن كەلە جاتقان جولاۋشىلار اۆتوبۋسى اۋدارىلىپ قالدى. بۇل تۋرالى رەسەي التاي ولكەسى بويىنشا تجم ءباسپاسوز قىزمەتىنىڭ مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، اۆتوبۋس جۇرگىزۋشىسى تىزگىنگە يە بولا الماي، كولىك جولدان شىعىپ كەتىپ، اۆتوبۋس بۇيىرىنە اۋدارىپ قالعان.
“وقيعاعا اۆتوبۋس جۇرگىزۋشىسى تىزگىنگە يە بولا الماي قالۋى سەبەپ بولعان. اۆتوبۋستا 56 ادام بولعان - ەكى جۇرگىزۋشى جانە 54 جولاۋشى، ونىڭ ىشىندە ءۇش بالا. 7 ادام زارداپ شەككەن (جەڭىل جاراقات، زارداپ شەككەندەر اراسىندا بالالار جوق). بارلىعىن جەدەل جاردەم قىزمەتكەرلەرى تەكسەردى. ءبىر ادام سلاۆگورود اۋرۋحاناسىنا جاتقىزىلعان”، دەلىنگەن حابارلامادا.
اۆتوبۋس تەك اۋدارىلعان بولماسا، ءجۇرىپ تۇر. ونى جۇرگىزۋشىلەر قازاقستانعا الىپ كەتتى. ال جولاۋشىلاردى مەجەلى جەرىنە جەتكىزۋ ءۇشىن باسقا اۆتوبۋس بەرىلدى.
