Atyraýda polıeıdiń ekertýin elemegen júrgizýshi jol apatyn jasaǵan. Jol-kólik oqıǵasynan júgizýshi men jolaýshy kóz jumdy, dep habarlaıdy "Adyrna" ulttyq portaly.
Qaıǵyly oqıǵa 15 qańtarda bolǵan.
"Patrýldik polıııa rotasynyń qyzmetkerleri respýblıkalyq mańyzy bar tas jolda qaýipsizdikti saqtaý úshin kún saıyn reıd júrgizýdi qolǵa aldy. Keshe, 15 qańtar kúni, saǵat 14:00 shamasynda joldyń taıǵaq bolýyna baılanysty júrgizýshilerge eskertý jasalǵan. Alaıda Dossor-Qulsary-Beıneý tas jolynyń 53-shaqyrymynda qoǵamdyq avtokólik pen Chevrolet Cobalt avtokóligi soqtyǵysy. Jol apatynyń saldarynan jeńil kólikti júrgizgen 48 jastaǵy júrgizýshi men jolaýshy oqıǵa ornynda kóz jumdy", - dep habarlady departamenttiń baspasóz qyzmeti.
Qazir atalǵan derekke qatysty tergeý jumystary júrip jatyr.
"Kólik júrgizýshilerine aýa raıynyń qubylýyna, joldyń taıǵaq bolýyna baılanysty qaýipsizdik sharalaryn qatań saqtaýdy eskertemiz. Ásirese, ara qashyqtyqty saqtap, jyldamdyqty shamamdan tys asyrmaǵan jón", - dep málim etti departamenttiń baspasóz qyzmetinen.
Eske sala ketelik, buǵan deıin Almaty oblysynda avtobýs jaıaý júrginshini qaǵyp, mert qylǵany habarlanǵan edi.
