قازاقستان جۇرتى مەن فرانتسۋزداردىڭ ادەتىن سالىستىرامىن. فرانتسۋزدار، كورشىم عوي، تۇرمىسىن جاقسى بىلەمىن.
مىسالى، ۇيگە اياز اتا شاقىرۋ ادەتى فرانتسۋز اراسىندا جوق.
18 عاسىردىڭ باي-شونجارلارىندا بولسا، بولار. بىراق وسى بۋىننان ەشكىم دە مال شاشىپ، اياز اتا جالداپ، جاڭا جىل قارسى المايدى.
ورىنسىز اقشا جۇمساۋ، بوسقا دۇنيە شاشۋ بولىپ ەسەپتەلىنەدى، سوندىقتان ول قىلىعىمەن ماقتانا دا المايدى.
تامىرى حريستياندىق مورالدان شىعاتىن الەۋمەتتىك-تۇرمىستىق جول.
جالپى ايتسام، قازاق قوعامىندا، فرانتسۋزعا ارحايكا بولىپ كورىنەتىن، ادەتتەر از ەمەس. سونىڭ ءبىرى - وسى، قوقيلانۋشىلىقتان تۋعان، اياز اتا جالداۋ ادەتى.
ماشينەدەن شىققاندا قول بەرۋ دە جاساندى كورىنەدى. كانن فەستيۆالىن ايتپايمىن. ارتىستەردىڭ ءوز ادەتى بار. دۇنيە كورسەتۋ دە سولاردان شىعادى. بىراق ونىڭ شارتتى ەكەندىگىن جۇرت بىلەدى، سوندىقتان ەلىكتەمەيدى دە.
نە شىقسا دا، بىزدەن شىعادى.
ەنى ءبىر مەترلىك بانتپەن ماشينە وراپ، تارتۋ جاساسا دا، جاس ءسابي مەن بالالاردى ەرتەگى پەرسوناجدارىنداي كيىندىرسە دە، ونى جاسايتىن - ءبىزدىڭ قازاق.
Seitkassym Aouelbekov
