ماڭعىستاۋ وبلىسىنىڭ شەتپە اۋىلىنداعى الاڭدا قۇرىلعان جاڭا جىلدىق شىرشا قۇلادى، دەپ حابارلايدى "ادىرنا" ءتىلشىسى inAktau پورتالىنا سىلتەپ.
جاڭا جىلدىق شىرشا ءبىر تاۋلىككە جەتپەي قۇلاپ قالعان.
ماڭعىستاۋ اۋداندىق ىشكى ساياسات جانە تىلدەردى دامىتۋ بولىمىندە بۇل وقيعانىڭ بولۋىن اۋا رايىنىڭ ناشارلاۋىنا بايلانىستىردى.
«شىرشا 21 جەلتوقساندا ورناتىلدى، ورناتۋ تولىعىمەن اياقتالمادى. كەشە شەتپە اۋىلىنداعى جەلدىڭ جىلدامدىعى سەكۋندىنا 20 مەترگە جەتىپ، شىرشا قۇلاپ ءتۇستى. قازىرگى ۋاقىتتا ول كوتەرىلدى، مونتاجداۋ جۇمىستارى اياقتالادى، ونىڭ ىشىندە جوعارىدا اتالعان وقيعالاردى بولدىرماۋ ءۇشىن شىرشانىڭ نەگىزىن نىعايتادى. جاساندى شىرشا جاڭا ەمەس، ول بىلتىر جانە ونىڭ الدىنداعى جىلى دا قولدانىلعان»، - دەپ حابارلادى اكىمدىكتەگىلەر.
