الماتى قالاسى، تۇركىسىب اۋدانى، باكينسكايا كوشەسىندەگى جەكە تۇرعىن ۇيدەن ءورت شىققان. ءورت شىققانى تۋرالى حابارلاما 2022 جىلعى 22 جەلتوقسانى، ساعات 13:51-دە ءورت ءسوندىرۋ قىزمەتىنە جەتكەن.
الدىمەن ءۇيدىڭ شاتىرى ورتەنگەن. كەيىن جالىن كۇش الىپ، جانىنداعى قوراجايعا اۋعان.
ەڭ جاقىن بولىمشەلەر ءورت ورنىنا حابارلاما تۇسكەن سوڭ 4 مينۋتتان كەيىن جەتتى. ادام بار-جوعىن بارلاۋ كەزىندە 1929 جىلى تۋعان اجەي قۇتقارىلدى. ءورت 14:15-تە (كەلگەن ساتتەن باستاپ 20 مينۋتتا) اۋىزدىقتالىپ، 14:27-دە (كەلگەن ساتتەن 32 مينۋتتان سوڭ) ءسوندىرىلدى، - دەدى الماتى قالاسى توتەنشە جاعدايلار دەپارتامەنتىنىڭ ءباسپاسوز قىزمەتى.
بەيبىت كۇننىڭ باتىرلارى - اسىلحان تۇران، سانجار تايساريەۆ، نۇرجان جانقۇرازوۆ.
4-مامانداندىرىلعان ءورت ءسوندىرۋ ءبولىمىنىڭ قاراۋىل باستىعى، باس ينجەنەر اسىلحان تۇران تەرەزەنى شاعىپ جاتقاندا، كومەككە كەلگەن ءورت ءسوندىرۋ ءبولىمىنىڭ كومانديرى سانجار تايساريەۆ پەن ءورت ءسوندىرۋشى-قۇتقارۋشى نۇرجان جانقۇرازوۆ ەسىكتى بۇزىپ، ۇيگە كىرەدى. قۇلىپتاۋلى بولمەدە ءورتتىڭ بولىپ جاتقانىنان بەيحابار قارت كىسىنى كورگەن.
اسىلحان تۇران، سانجار تايساريەۆ پەن نۇرجان جانقۇرازوۆ اجەيدى سىرتقا شىعارىپ، جەدەل جاردەم قىزمەتىنە تاپسىردى.
"ادىرنا" ۇلتتىق پورتالى
