قازاقستاندا ادام قۇقىقتارىنىڭ حالىقارالىق ستاندارتتارىن ۇلتتىق زاڭناماعا ەنگىزۋ بويىنشا جۇيەلى جۇمىستار جۇرگىزىلۋدە. ەلىمىز وسى سالاداعى 70-تەن استام كوپجاقتى شارتتاردىڭ تولىققاندى قاتىسۋشىسى ءارى وسى قۇندىلىقتاردىڭ بەرىك قولداۋشىسى بولدى جانە بولىپ قالا بەرەدى.
قازاقستان بىرىككەن ۇلتتار ۇيىمىنىڭ ادام قۇقىقتارى جونىندەگى جوعارعى كوميسسارىنىڭ باسقارماسىمەن بەلسەندى ءوزارا ءىس-قيمىل جاسايدى جانە امبەباپ مەرزىمدى شولۋعا قاتىسادى. ەقىۇ-مەن ىنتىماقتاستىق اياسىندا ءسوز بوستاندىعىن، ۇلتتىق ازشىلىقتاردىڭ قۇقىقتارىن جانە گەندەرلىك تەڭدىكتى قورعاۋ بويىنشا باستامالار قولعا الىنۋدا. قازاقستان ەۋروپا كەڭەسىنىڭ مۇشەسى بولماسا دا، ادام قۇقىقتارىن قورعاۋ باعدارلامالارىندا، مىسالى، ۆەنەتسيا كوميسسياسىنىڭ ءىس-شارالارىنا قاتىسۋ ارقىلى بەلسەندى تۇردە ىنتىماقتاسادى. بەلسەندى ءوزارا ءىس-قيمىل تمد-نىڭ ادام قۇقىقتارى جونىندەگى كوميسسياسى اياسىندا دا جۇزەگە اسىرىلۋدا.
رەسپۋبليكا بۇۇ-نىڭ التى كوميتەتىنىڭ ازاماتتاردان جەكە حابارلامالاردى قابىلداۋ جانە قاراۋ قۇزىرەتىن مويىندادى - ادام قۇقىقتارى جونىندەگى كوميتەت، ازاپتاۋعا قارسى كوميتەت، ايەلدەرگە قاتىستى كەمسىتۋشىلىكتى جويۋ كوميتەتى، ناسىلدىك كەمسىتۋشىلىكتى جويۋ جونىندەگى كوميتەت، مۇگەدەكتەردىڭ قۇقىقتارى تۋرالى كوميتەت. جانە بالا قۇقىقتارى جونىندەگى كوميتەت.
"قازاق ەلىندە تۇراتىنىمىزدى ۇمىتپايىق". دەپۋتات ءماسليحات وتىرىسىن مەملەكەتتىك تىلدە وتكىزۋدى ۇسىندى
