"ۋتيل الىمى الىنسىن" دەگەن ءبىر توپ قازاقستاندىق ارنايى استاناعا كەلدى، دەپ حابارلايدى "ادىرنا" ءتىلشىسى قازتاگ-قا سىلتەپ.
باس كوتەرگەندەر قازاقستاننىڭ تۇرلە وڭىرىنەن جينالعان ەكەن.
"بۇگىن ءبىز – WhatsApp جانە الەۋمەتتىك جەلىلەردەگى ءار ءتۇرلى توپتاردىڭ اكىمشىلەرى استاناعا ونەركاسىپ جانە قۇرىلىس مينيسترلىگىمەن سويلەسىپ، العاشقى سالىقتىق تىركەۋدى، كادەگە جاراتۋ الىمىن جويۋ بويىنشا ءوز ۇسىنىستارىمىز بەن تالاپتارىمىزدى ايتۋ ءۇشىن كەلدىك. سەبەبى بۇل كادەگە جاراتۋ جيناعى قازاقستاندىق اۆتوپارككە ءتيىمىسز", - دەدى زاڭگەر ءارى كولىككە قىزىعۋشىلاردىڭ ءبىرى ەركەبۇلان قۇلباسوۆ.
استاناداعى ونەركاسىپ جانە قۇرىلىس مينيسترلىگى عيماراتىنىڭ جانىندا جينالعان باستاماشىل توپ ۋتيل الىم اۆتوونەركاسىپ سالاسىن دامىتا الماعانىن ايتادى.
ء"بىز قازىر كادەگە جاراتۋ جيناعىن الىپ تاستاۋدى، الەمنىڭ جەتەكشى ەلدەرىمەن تەڭەستىرۋدى نەمەسە مۇلدەم الىپ تاستاۋدى تالاپ ەتەمىز. سەبەبى بۇل ءبىزدىڭ قازاقستاندىق ەكونوميكامىزداعى ايتۆ اۋرۋى سياقتى. بۇل تەك اۆتوكولىك جۇرگىزۋشىلەرىنە عانا قاتىستى ەمەس، اۋىل شارۋاشىلىق جۇرگىزۋشىلەرى، جۇك كولىكتەرى، لوگيستيكانى قامتاماسىز ەتەتىن ونىمدەر دە بار",-دەپ ەسەپتەيدى قۇلباسوۆ.
جينالعاندار ولاردىڭ تەك قانا ۋتيلسبوردىڭ كۇشىن جويۋدى تالاپ ەتەتىن مىڭداعان قازاقستاندىقتاردىڭ اتىنان سويلەيتىن وكىل-اكىمشىلەر ەكەنىن اتاپ ءوتتى. قازاقستان بويىنشا ۋتيل الىمعا قارسى 300-گە جۋىق توپ بار ەكەنى دە انىقتالدى.
پرەزيدەنت قاسىم-جومارت توقاەۆ "وكم وپەراتورى" جشس-ءنى كادەگە جاراتۋ الىمىن جۇزەگە اسىرۋعا مونوپوليالىق قۇقىعىنان ايىرۋدى تاپسىرعان بولاتىن. ول مۇنى شەت ەلدەردەگىدەي مەملەكەتتىك ۇيىم جاساۋى كەرەك ەكەنىن اتاپ ءوتتى.
