قازاقستان رەسپۋبليكاسىنىڭ ىشكى ىستەر مينيسترلىگى مەن ەڭبەك جانە حالىقتى الەۋمەتتىك قورعاۋ مينيسترىلىگى بىرلەسە وتىرىپ، ادام ساۋداسىنىڭ قۇرباندارىنا كومەك كورسەتۋ مەن ارناۋلى الەۋمەتتىك قىزمەتتەر ءۇشىن قايتا باعىتتاۋ قاعيدالارى جايلى بۇيرىقتى بەكىتتى.
ەرەجەگە سايكەس، ادام ساۋداسىنان جاپا شەككەندەرگە قولداۋ بىلدىرۋدە ادام ساۋداسىنا قارسى ءىس-قيمىل سۋبەكتىلەرىنىڭ ىنتىماقتاستىق ءتارتىبىن بەلگىلەنگەن. اتالمىش سۋبەكتىلەرگە ىشكى ىستەر ورگاندارى، ءبىلىم بەرۋ سالاسىنداعى ۋاكىلەتتى ورگان، تۋريستىك قىزمەتتى جۇزەگە اسىراتىن جەكە جانە زاڭدى تۇلعالار، وبلىستاردىڭ رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى جاتقىزىلعان.
ادام ساۋداسىنىڭ الەۋەتتى قۇربانىنا كومەك كورسەتۋ جانە ارناۋلى الەۋمەتتىك قىزمەتتەر ۇسىنۋ ماقساتىندا ونى دەرەۋ قاۋىپسىز جەرگە اۋىستىرۋ كەرەك. بۇل ارەكەتتەردى ورىنداۋ مۇمكىن بولماعان كەزدە اۋداننىڭ، وبلىستىق، رەسپۋبليكالىق ماڭىزى بار قالانىڭ، استانانىڭ حالىقتى الەۋمەتتىك قورعاۋ جانە جۇمىسپەن قامتۋ سالاسىنداعى جەرگىلىكتى اتقارۋشى ورگانى ءۇش تىۋلىككە دەيىن تۇرعىن ءۇي، تاعام جانە كولىكپەن قامتاماسىز ەتۋى ءتيىس.
ادام ساۋداسىنىڭ الەۋەتتى قۇربانى كومەكتەن باس تارتقان جاعدايدا ادام ساۋداسىنىڭ الەۋەتتى قۇربانىن انىقتاعان قايتا باعىتتاۋ قاعيدالارىنىڭ سۋبەكتىسى ادام ساۋداسىنىڭ الەۋەتتى قۇربانىنا اقپاراتتىق كارتوچكا بەرەدى.
ادام ساۋداسىنىڭ الەۋەتتى قۇربانىن سايكەستەندىرۋدى ىشكى ىستەر ورگاندارى حالىقتى الەۋمەتتىك قورعاۋ جانە جۇمىسپەن قامتۋ سالاسىنداعى باعىتتى ايقىندايتىن اۋدانداردىڭ، وبلىستىق، رەسپۋبليكالىق ماڭىزى بار قالالاردىڭ، استانانىڭ جەرگىلىكتى اتقارۋشى ورگانىمەن، ااق سۋبەكتىلەرىمەن، كوممەرتسيالىق ەمەس ۇيىممەن بىرلەسىپ جۇرگىزەدى.
ەگەر ادام ساۋداسىنىڭ ىقتيمال قۇربانى كومەككە مۇقتاج بولسا، وندا سايكەستەندىرۋدى جۇرگىزەتىن سۋبەكت جەدەل مەديتسينالىق كومەكتى دەرەۋ شاقىرىپ، ونىڭ شۇعىل قاجەتتىلىكتەرىن، سونىڭ ىشىندە سۋدى، گيگيەنالىق قۇرالداردى جانە ءبىرىنشى كەزەكتە قاجەت زاتتاردى قاناعاتتاندىرۋعا جاردەمدەسەدى.
ەگەر ادام ساۋداسىنىڭ الەۋەتتى قۇربانى ادام ساۋداسىنىڭ قۇربانى دەپ تانىلماسا نەمەسە سايكەستەندىرۋدەن وتۋدەن باس تارتسا، وندا ول ادام ساۋداسى فاكتىسىن جاساۋ قاتەرى تۋىنداعان جاعدايدا وعان قۇقىقتارى مەن زاڭدى مۇددەلەرىن الدىن الا تۇسىندىرە وتىرىپ جانە اقپاراتتىق كارتوچكا بەرە وتىرىپ، تۇرعىلىقتى جەرى بويىنشا قايتا جىبەرىلەدى.
سونىمەن قاتار، ەرەجەلەردە سونىمەن قاتار ادام ساۋداسىنىڭ قۇرباندارىنا كومەك كورسەتۋ جانە ارنايى الەۋمەتتىك قىزمەتتەر كورسەتۋ ءتارتىبىن جانە ادام ساۋداسىنىڭ ينديكاتورلارى ايقىندالعان. ايتا كەتەيىك، بۇيرىق 2024 جىلعى 9 قاراشادان باستاپ قولدانىسقا ەنگىزىلەدى.
