قر ءىىم ۇيىمداسقان قىلمىسقا قارسى كۇرەس دەپارتامەنتى ءۇشىنشى باسقارماسى باستىعىنىڭ ورىنباسارى شىنار كۋچەرباەۆانىڭ ايتۋىنشا، دەپارتامەنتتە ادام ساۋداسىمەن كۇرەسۋ بويىنشا ارنايى توپتار بار. جىل سايىن ىشكى ىستەر ورگاندارى 150-گە دەيىن قىلمىستىق ءىس قوزعايدى.
«اعزالاردى ساتۋ بويىنشا 15 قىلمىستىق ءىس، قاناۋ ماقساتىندا ادام ۇرلاۋ بويىنشا ەكى، قاناۋ ماقساتىندا زاڭسىز باس بوستاندىعىنان ايىرۋ بويىنشا ءۇش، ادام ساۋداسى بويىنشا 15, كامەلەتكە تولماعان ادامدى جەزوكشەلىككە تارتۋ بويىنشا 12, كامەلەتكە تولماعانداردى ساتۋ ۇشەۋ، جەزوكشەلىكپەن اينالىسۋ بويىنشا – جەتەۋى، جەزوكشەلىكپەن اينالىسقانى ءۇشىن – 77 قىلمىستىق ءىس قوزعالدى ”، – دەدى شىنار كۋچەرباەۆا ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
سونىمەن قاتار، ادام ساۋداسىنا قاتىستى باپ بويىنشا (اقبتك-ءنىڭ 450-بابى) اكىمشىلىك قۇقىق بۇزۋشىلىق بويىنشا 649 قۇقىق بۇزۋشىلىق انىقتالدى. جەزوكشەلىك پەن سۋتەنەرلىككە ءۇي-جاي بەرگەنى ءۇشىن پاتەر يەلەرىنە 155 ميلليون تەڭگە ايىپپۇل سالىندى.
5 شىلدەدە قازاقستان رەسپۋبليكاسىنىڭ پرەزيدەنتى ادام ساۋداسىنا قارسى كۇرەس جونىندەگى ءبىرىنشى ارنايى زاڭعا قول قويدى، بۇل قۇجات كۇشىنە ەندى جانە قازىر پوليتسيا قىزمەتكەرلەرى قازاقستاندىقتاردى قورعاۋ بويىنشا جاڭا وكىلەتتىكتەرگە يە بولدى.
