قىلمىس اتاۋلىنىڭ جاقسىسى جوق. الايدا ، ادام ساۋداسى- ەڭ اۋىر قىلمىس. ءتىرى جاندى ساۋداعا سالۋ ەستىگەن قۇلاققا تۇرپىدەي تيەدى. قۇلدىقتىڭ قامىتىن كيگەندەردىڭ قۇقىعىن قورعاۋ ماڭىزدى. بۇل مەملەكەت الدىنداعى مىندەت.
ادام ساۋداسىنىڭ قۇرباندارىنا مەملەكەت تاراپىنان ارنايى كومەك كورسەتىلەدى. جابىرلەنۋشىلەر الەۋمەتتىك-تۇرمىستىق، مەديتسينالىق، پسيحولوگيالىق، پەداگوگيكالىق، ەڭبەك، مادەني، ەكونوميكالىق جانە قۇقىقتىق سىندى سەگىز ءتۇرلى قىزمەتكە جۇگىنە الادى. بۇل ولاردىڭ زاڭ نەگىزىندەگى قۇقىعى. اتالعان كومەكتەردىڭ بارلىعى دا مەملەكەتتىك بيۋدجەت ەسەبىننەن كورسەتىلەدى. ياعني، تەگىن.
قۇقىعى شەكتەلگەن قازاقستان ازاماتتارىنان بولەك، شەتەلدىكتەرمەن ازاماتتىعى جوق ادامداردا جوعارىداعى كومەككە قول جەتكىزە الادى.
ەلىمىزدە «ادام ساۋداسىنا قارسى ءىس-قيمىل» تۋرالى ارنايى زاڭ جوباسى بار. وندا قۇرباندارعا مەملەكەت تاراپىنان ءوز قۇقىقتارى مەن مۇددەلەرىن قورعاۋ جايىندا ەگجەي-تەگجەيلى جازىلعان. بۇل ازاماتتارعا زاڭ تۇرعىسىندا وزدەرىن قورعاۋعا ىقپال ەتەدى.
ايتا كەتەيىك، ەلىمىزدىڭ بارلىق مەملەكەتتىك جانە قوعامدىق ينستيتۋتتارى، قاۋىپسىزدىكتى قامتاماسىز ەتۋ تۇجىرىمداماسىن ازىرلەۋدە. بۇل جوبا قۇقى بۇزۋشىلىقتاردىڭ الدىن الۋدىڭ كەشەندى جۇيەسىن قۇرۋدىڭ نەگىزگى تەتىگى بولادى دەپ كۇتىلۋدە.
ءار ادام ءوز ومىرىنە جاۋاپتى. قاندايدا ءبىر شەشىم قابىلداماس بۇرىن جان-جاقتى سارالاۋ قاجەت. ءومىرىمدى جايلى، جاعدايىمدى كۇيلى ەتەمىن دەپ جۇرگەندە بوگدەنىڭ ارباۋىنا ءتۇسىپ قالماۋ كەرەك.
