Qylmys ataulynyŋ jaqsysy joq. Alaida , adam saudasy- eŋ auyr qylmys. Tırı jandy saudaǧa salu estıgen qūlaqqa türpıdei tiedı. Qūldyqtyŋ qamytyn kigenderdıŋ qūqyǧyn qorǧau maŋyzdy. Būl memleket aldyndaǧy mındet.
Adam saudasynyŋ qūrbandaryna memleket tarapynan arnaiy kömek körsetıledı. Jäbırlenuşıler äleumettık-tūrmystyq, medisinalyq, psihologiialyq, pedagogikalyq, eŋbek, mädeni, ekonomikalyq jäne qūqyqtyq syndy segız türlı qyzmetke jügıne alady. Būl olardyŋ zaŋ negızındegı qūqyǧy. Atalǧan kömekterdıŋ barlyǧy da memlekettık biudjet esebınnen körsetıledı. Iаǧni, tegın.
Qūqyǧy şektelgen Qazaqstan azamattarynan bölek, şeteldıktermen azamattyǧy joq adamdarda joǧarydaǧy kömekke qol jetkıze alady.
Elımızde «Adam saudasyna qarsy ıs-qimyl» turaly arnaiy zaŋ jobasy bar. Onda qūrbandarǧa memleket tarapynan öz qūqyqtary men müddelerın qorǧau jaiynda egjei-tegjeilı jazylǧan. Būl azamattarǧa zaŋ tūrǧysynda özderın qorǧauǧa yqpal etedı.
Aita keteiık, elımızdıŋ barlyq memlekettık jäne qoǧamdyq instituttary, qauıpsızdıktı qamtamasyz etu tūjyrymdamasyn äzırleude. Būl joba qūqy būzuşylyqtardyŋ aldyn aludyŋ keşendı jüiesın qūrudyŋ negızgı tetıgı bolady dep kütılude.
Är adam öz ömırıne jauapty. Qandaida bır şeşım qabyldamas būryn jan-jaqty saralau qajet. Ömırımdı jaily, jaǧdaiymdy küilı etemın dep jürgende bögdenıŋ arbauyna tüsıp qalmau kerek.
