سەربيا پرەزيدەنتى الەكساندر ۆۋچيچ الەۋمەتتىك جەلىلەردەگى پاراقشاسىندا بەلگرادقا رەسمي ساپارمەن بارعان مەملەكەت باسشىسى قاسىم-جومارت توقاەۆتى ىقىلاسپەن كۇتىپ العانىن جازدى. بۇل تۋرالى بورت N1 تەلەگرام كانالى جاريالادى، دەپ حابارلايدى “ادىرنا” ۇلتتىق پورتالى.
ول توقاەۆتىڭ قۇرمەتىنە كەشكى اس بەرىلگەنىن جانە الماتىنىڭ ايگىلى اپورتىن سىيعا العانىن ايتتى.
سونداي-اق سەربيانىڭ دوستاس ەلدەرگە قۇشاعى ءاردايىم اشىق ءارى بۇگىنگى كەش سونىڭ تاعى ءبىر دالەلى ەكەنىن اتاپ ءوتتى.
ەسكە سالا كەتەيىك، ساپار بارىسىندا جوعارى دەڭگەيدەگى كەلىسسوزدەر وتەدى. مەملەكەتتەر باسشىلارى ەكى ەلدىڭ ساياسي، ساۋدا-ەكونوميكا، كولىك-لوگيستيكا جانە مادەني-گۋمانيتارلىق سالالارداعى ءوزارا ىنتىماقتاستىعىنىڭ پەرسپەكتيۆالارىن تالقىلايدى.
كەلىسسوزدەر قورىتىندىسى بويىنشا ەكىجاقتى كەلىسىمدەرگە قول قويىلماق. سونىمەن قاتار سەربيانىڭ پرەمەر-ءمينيسترى ميلوش ۆۋچەۆيچپەن كەزدەسۋ جوسپارلانعان.
