Serbııa prezıdenti Aleksandr Výchıch áleýmettik jelilerdegi paraqshasynda Belgradqa resmı saparmen barǵan memleket basshysy Qasym-Jomart Toqaevty yqylaspen kútip alǵanyn jazdy. Bul týraly BORT N1 telegram kanaly jarııalady, dep habarlaıdy “Adyrna” ulttyq portaly.
Ol Toqaevtyń qurmetine keshki as berilgenin jáne Almatynyń áıgili aportyn syıǵa alǵanyn aıtty.
Sondaı-aq Serbııanyń dostas elderge qushaǵy árdaıym ashyq ári búgingi kesh sonyń taǵy bir dáleli ekenin atap ótti.
Eske sala keteıik, sapar barysynda joǵary deńgeıdegi kelissózder ótedi. Memleketter basshylary eki eldiń saıası, saýda-ekonomıka, kólik-logıstıka jáne mádenı-gýmanıtarlyq salalardaǵy ózara yntymaqtastyǵynyń perspektıvalaryn talqylaıdy.
Kelissózder qorytyndysy boıynsha ekijaqty kelisimderge qol qoıylmaq. Sonymen qatar Serbııanyń premer-mınıstri Mılosh Výchevıchpen kezdesý josparlanǵan.
