پرەزيدەنت سايلاۋىنىڭ كۇزدە بولۋى الدىن-الا ۇيىمداستىرىلعان با؟ بۇل سۇراققا قازاقستان پارلامەنتى ءماجىلىسىنىڭ توراعاسى قوشانوۆ ەرلان جاقانۇلى جۋرناليست نارتاي ارالبايۇلىنىڭ يۋتۋب ارناسىندا ايتىپ بەردى، دەپ حاباردايدى “ادىرنا” ۇلتتىق پورتالى.
“كۇتپەگەن جاعداي دەسەك سەنبەيسىز. مەملەكەتتىڭ تاعدىرىنا قاتىسى بار ءىرى شەشىمدەر ءاتۇستى قابىلدانبايدى عوي. سوندىقتان پرەزيدەنت وزىنە قاجەتتى دەگەن ادامدارمەن اقىلداسادى. ويلانىپ-تولعانىپ شەشىم قابىلدايدى. بىراق شەشىمدى ءوزى قابىلدايدى. سوندىقتان پرەزيدەنت سايلاۋى سىن-قاتەرلەردى ەسكەرگەن شەشىم دەپ ويلايمىن. بۇل-بىرىنشىدەن. ال ەكىنشىدەن، كەيبىر شەشىمدەر تەز قابىلدانادى. بۇل پرەزيدەنتتىك سايلاۋ زەرتتەلگەن، جان-جاقتان قامتىلعان شەشىم”،- دەدى ءماجىلىس توراعاسى.
سونداي-اق، ول “قاڭتار وقيعاسى” تۋرالى دا ايتا كەتتى.
“قاڭتار وقيعاسى” ءبىزدىڭ مەملەكەتىمىزدە جىلدار بويى جينالعان ساياسي ماسەلەنىڭ بار ەكەنىن كورسەتتى. سوعان جاۋاپ رەتىندە پرەزيدەنت ساياسي رەفورمالار جاريالادى. ونى حالىق بولىپ قولدادى. بۇل “قاڭتار وقيعاسى” ىشىمىزدە بولىپ جاتقان سىن-قاتەرلەرگە بەرىلگەن جاۋاپ بولدى. ال ەندى سىرتتان كەلەتىن قاۋىپ-قاتەر جوق ەمەس. قازىر قازاقستان اينالامىزدا لاۋلاپ جانىپ جاتقان تۇراقسىزدىقتىڭ ىشىندەگى تۇراقتىلىق سەكىلدى بولىپ تۇر. ونى كورە المايتىندار دا بار. وت تاستاپ وتىرعاندار سونىڭ دالەلى. سوندىقتان مۇنىڭ بارلىعىن بولدىرماس ءۇشىن پرەزيدەنت سىرتقى ساياساتتى بەلسەندى جۇرگىزىپ وتىر”،- دەدى ەرلان جاقانۇلى.
