سايرام اۋداندىق “جاستار رەسۋرستىق ورتالىعى” كمم ۇيىمداستىرۋمەن قازاقستان ءماسليحاتتارىنىڭ 30 جىلدىعىنا وراي، ءبىلىم مەن زياتكەرلىكتى دامىتۋعا ارنالعان وبلىستىق “ەرۋديت” ينتەللەكتۋالدى ويىنى ءوتتى.
ءىس-شارانى تۇركىستان وبلىسى قوعامدىق دامۋ باسقارماسى “جاستار رەسۋرستىق ورتالىعى” كمم باسشىسى بەكتاەۆ ەرنار نۇرالىۇلى، سايرام اۋدان اكىمىنىڭ ورىنباسارى ءالىپوۆ ماديار باقتىبايۇلى، اۋدان ءماسليحاتىنىڭ دەپۋتاتتارى كاريموۆ ءاسانالى يسلامبەكۇلى مەن ايدارحانوۆ دارحان ساماتۇلى اشىپ، قاتىسۋشىلارعا ساتتىلىك تىلەدى.
جوبانىڭ ماقساتى – جاستاردىڭ بىلىمگە قۇشتارلىعىن وياتىپ، وي-ءورىسىن كەڭەيتۋ، لوگيكالىق جانە شىعارماشىلىق قابىلەتتەرىن دامىتۋ، ءوزارا قارىم-قاتىناس پەن كوماندالىق جۇمىستىڭ ماڭىزدىلىعىن ۇعىندىرۋ.
ينتەللەكتۋالدى ويىنعا وبلىس اۋماعىنداعى اۋدان، قالالاردان جانە اۋدانىمىزداعى ءتۇرلى مەكەمەلەردەن كەلگەن ءتۇرلى سالا وكىلدەرى مەن جاس ەرىكتىلەردەن قۇرالعان 15 كوماندا قاتىستى.
سايىس 5 كەزەڭنەن تۇرىپ، ءار كەزەڭدە قاتىسۋشىلار تاريح، ادەبيەت، سپورت، ۇلتتىق داستۇرلەر، لوگيكالىق تاپسىرمالار سياقتى ءارتۇرلى سالالار بويىنشا سىنعا ءتۇستى.
تارتىستى دا، قىزىقتى وتكەن سايىستىڭ ناتيجەسىندە:
• 1-ورىن: سوزاق اۋدانىنىڭ “تەرىسكەي” كومانداسى (300 000 تگ);
• 2-ورىن: سايىستا بىردەي ۇپاي جيناعان وبلىستىق "جاستار رەسۋرستىق ورتالىعىنىڭ" “الاش” جانە كەلەس اۋدانىنىڭ “كەلەس” كوماندالارى (200 000 تگ);
• 3-ورىن: سايرام اۋدانىنىڭ “بايتەرەك” كومانداسى (100 000 تگ) يەلەندى.
• “ۇزدىك تالپىنىس” نوميناتسياسىن سارىاعاش اۋدانىنىڭ “كونينا Power” كومانداسى جەڭىپ الدى (50 000 تگ).
جەڭىمپازدار مەن جۇلدەگەرلەرگە العىس حاتتار مەن قارجىلاي سىيلىقتار تابىستالدى.
“ەرۋديت” ويىنى وبلىستىڭ ءبىلىمدى جاستارىن ءبىر ورتادا جيناپ، ولاردىڭ ءوزارا دوستىق قارىم-قاتىناسىن نىعايتاتىن يگى داستۇرگە اينالىپ وتىر. اتالعان باعىتتاعى ءىس-شارا الداعى ۋاقىتتا دا جالعاسىن تاباتىن بولماق.
