20 جاستاعى جىگىت شىمكەنتتەن 15 قاڭتار كۇنى كولىك قۇجاتىن الۋى كەرەك بولعان. الايدا ونىڭ جوعالىپ كەتكەنى تۋرالى اقپارات تاراپ، دەنەسى تابىلعان، دەپ حابارلايدى "ادىرنا" ۇلتتىق پورتالى.
باق بەتتەرىندە مارقۇمنىڭ اعاسىنىڭ پىكىرى تارادى.
“تولەمەتوۆ كوشەسى جاقتان تابىلدى، 21 كۇن دەگەندە. سول ۋاقىت بويى اسىلىپ تۇرماعان. بولسا سول 20-كۇندەرى كوز جۇمعان. وعان دەيىن ونداي بولماعان. ەگەر 20 كۇن بويى تۇرسا ەتتىڭ ءبارى ءىرىپ-ءشىرىپ كەتەدى عوي. بالانىڭ دەنەسى قازىر ساراپتامادا. ءوزىنىڭ سومكەسىنىڭ باۋىنا اسىلعان. ول ەندى اسا سالماق كوتەرمەيدى. قولدان جاسالعان دەپ ويلايمىن ءوزىم”، – دەيدى بايدىبەك ەدىلبەكتىڭ اعاسى.
جوعالعان جىگىتتىڭ جاقىندارى پوليتسيانىڭ سوڭعى ەكى-ءۇش كۇندە عانا ىزدەۋدى كۇشەيتكەنىن ايتادى.
“پوليتسەيلەر سوڭعى 2-3 كۇندە جۇمىس ىستەدى. وعان دەيىن قيمىلدامادى. كامەراسىنىڭ ءبارىن ءوزىمىز قويىپ بەرىپ وتىردىق. وعان دەيىن پوليتسيادان حابار بولمادى. بىلگەنىمىزدەي شىمكەنتتەگى كامەرانىڭ 5 پايىزى عانا باقىلاپ، قالعان 95 پايىزى ايىپپۇلعا جاۋاپ بەرەدى ەكەن”،– دەيدى قايعىدان قان جۇتقان بەيبارىستىڭ اعاسى.
ەسكە سالايىق، 14-قاڭتار كۇنى 20 جاستاعى جىگىت تۇركىستان وبلىسىنان شىمكەنت قالاسىنا قۇجات الۋ ءۇشىن شىققان. الايدا كەيىننەن ونىڭ ءمايىتى تابىلدى.
