جاستاردىڭ دامۋى ەل بولاشاعىنىڭ دامۋىنا تىكەلەي اسەر ەتەتىن قۇبىلىس. تۇركىستان وبلىسىندا جاستار اراسىندا قانداي ءىس-شارالار اتقارىلۋدا؟ كەنتاۋ قالالىق "جاستار رەسۋرستىق ورتالىعى" كمم-ءنىڭ باسشىسى سۇلتان باقىتۇلى ايماقتاعى جاستار ساياساتىنا قاتىستى تىڭ جاڭالىقتارمەن ءبولىستى. تولىعىراق "ادىرنا" ءتىلشىسىنىڭ ماتەريالىندا.
- ازات مىرزا، ورتالىقتىڭ جاستارعا ارنالعان قانداي قولداۋ باعدارلامالارى بار؟ (مىسالى، ءبىلىم بەرۋ گرانتتارى، كاسىپكەرلىكتى قولداۋ، جۇمىسقا ورنالاستىرۋ باعدارلامالارى)
- جاستارعا ارنالاعان مەملەكەتتىك باعدارلامالار ياعني، «بولاشاق»، «سەرپىن-2050»، «ديپلوممەن اۋىلعا»، «جاسىل ەل»، «جاستار پراكتيكاسى»، «قولجەتىمدى باسپانا» جانە ت.ب. باعدارلامالار بويىنشا اقپاراتتىق تۇسىنىدىرمە جۇمىستارى جۇرگىزىلىپ وتىر. ناتيجەسىندە بيىل كەنتاۋ قالاسىنىڭ 17 جاسى «سەرپىن-2050»، 11 جاس شەت ەلگە وقۋعا ءتۇستى. «ديپلوممەن اۋىلعا» مەملەكەتتىك باعدارلاماسىمەن 1 جاس كەنتاۋ قالاسىنا قارستى اۋىلعا جۇمىسقا ورنالاستى. جاز ماۋسىمىندا قالانىڭ كوگالداندىرۋ، ابباتاندىرۋ جۇمىسىنا 60 جاس ۇلەسىن قوستى. «جاستار پراكتيكاسى» باعدارلاماسىمەن 300 جاس وقۋىن ءتامامداپ، جۇمىسقا جولداندى.
«ەڭبەك نارىعىن دامىتۋدىڭ 2024-2029 جىلدارعا ارنالعان تۇجىرىمداماسى» اياسىندا جاڭا بيزنەس يدەيالاردى ىسكە اسىرۋعا ارنالعان گرانت (1ملن 470 مىڭ تەڭگە)-172 جاسقا كەڭەس بەرىلىپ، 24 جاس قاراجاتىن الدى. رەسپۋبليكالىق «تاۋەلسىزدىك ۇرپاقتارى» گرانتىنا كەنتاۋ قالاسىنان 8 جاستىڭ جوبالارى ۇسىنىلىپ، ناتيجەسى كۇتىلۋدە. «Zhas project» گرانتىن قازىرگى تاڭدا 2 جاس ۇتىپ الىپ، كاسىپتەرىن باستادى.
- 9 ايدا وسى باعدارلامالار بويىنشا قانداي شارالار اتقارىلدى؟
- جوعارىدا اتاپ وتكەندەي، جاستارعا ارنالعان مەملەكەتتىك باعدارلامالار بويىنشا كەڭەستەر بەرىلىپ، جۇمىسسىز جاستاردى جۇمىسقا ورنالاستىرۋ ماقساتىندا مانساپ ورتالىعىمەن بىرلەسە، بوسجۇمىس ورىندارى جىل باسىنان بەرى 6 جارمەڭكە ۇيىمداستىرىلدى. ناتيجەسىندە جاستار جاستار پراكتيكاسى، اقىلى قوعامدىق جۇمىستارعا، الەۋمەتتىك جۇمىستارعا، العاشقى جۇمىس ورنى، تۇراقتى جۇمىس ورىندارىنا جۇمىسقا ورنالاستى.
كاسىپكەرلىكتى دامىتۋ شەڭبەرىندە قايتارىمسىز گرانت 1 ملن 470 مىڭ تەڭگە بويىنشا 24 جاستىڭ قۇجاتتارى ماقۇلدانىپ، ءوز قارجىلارىن الىپ كاسىپتەرىن دوڭگەلەتۋدە.
- جاستار اراسىنداعى جۇمىسسىزدىقتى تومەندەتۋ ءۇشىن قانداي شارالار جۇزەگە اسىرىلۋدا؟ كاسىپكەرلىككە قىزىعۋشىلىعى بار جاستارعا قانداي كومەك كورسەتىلەدى؟ (وقىتۋ كۋرستارى، گرانتتار، ستارتاپتار ءۇشىن قولداۋ)
- جاستار اراسىنداعى جۇمىسسىزدىقتى تومەندەتۋ ماقساتىندا بوس جۇمىس ورىندارى جارمەڭكەلەرى تۇراقتى تۇردە وتكىزىلۋدە. جۇمىسسىز جاستارعا بوس جۇمىس ورىندارى، مەملەكەتتىك باعدارلامالار، مەملەكەتتىك گرانتتار بويىنشا اقپاراتتىق تۇسىندىرمە جۇمىستارى جۇرگىزىلدى. «AMANAT» پارتياسى كەنتاۋ قالالىق فيليالىنىڭ ۇيىمداستىرۋىمەن، «قارىزسىز قوعام» پارتيالىق جوباسى اياسىندا الماتى قالاسىنان كەلگەن لەكتور جاندوس براسيلوۆ كەنتاۋ قالاسى جانە وعان قاراستى اۋىلجاستارى مەن تۇرعىندارىنا قارجىلىق ساۋاتتىلىققا، جالپى قارىسسىز قوعامعا قول جەتكىزۋ جولدارىن حالىققا ءتۇسىندىرۋ ماقساتىندا 70 تەن استام ازاماتقا وقۋ سەمينارىن وتكىزدى.
- تۇركىستان وبلىسىندا ەرىكتىلەر قوزعالىسى قانشالىقتى دامىعان جانە وعان جاستاردىڭ قاتىسۋ دەڭگەيى قانداي؟ ەرىكتىلەرگە قانداي قولداۋ كورسەتىلەدى؟ ەرىكتىلەر 9 ايدا قانداي كومەكتەر كورسەتتى؟
- كەنتاۋ قالالىق «جاستار رەسۋرستىق ورتالىعى» كمم-نىڭۇيىمداستىرۋىمەن، جىل باسىنان بەرى ەرىكتىلەر قىزمەتىن جانداندىرۋ ماقساتىندا 99 ءىس-شارا ۇيىمداستىرىلىپ، ناتيجەسىندە 5118 جاسقامتىلدى. اتاپ ايتار بولسام: كەنتاۋ قالاسىندا ەلىمىزدىڭ سولتسۇتىك جانە باتىس ايماعىنداعى سۋ تاسقىنى سالدارى بويىنشا گۋمانيتارلىق كومەك جيناۋ ورىنى اشىلدى. تابيعي اپات ايماعىنداعى تۇرعىندارعا كومەك قولىن سوزامىن دەگەن ۆولونتەرلەر مەن قالا تۇرعىندارى قاجەتتى زاتتار-كيىم-كەشەك، بالالارعا ارنالعان جورگەكتەر، جەكە گيگيەنا قۇرالدارى (گيگيەنالىق توسەمدەر),گيگيەنالىق زاتتار، ازىق-تۇلىك،تۇرمىستىق زاتتارمەن كومەك قولىن سوحدى. ءاربىر زات سۇرىپتالىپ، ارنايى جاشىككە سالىنىپ، وبلىستىق شتابقا جەتكىزىلدى.
قالا جاستارى مەن ەرىكتىلەرى 1-قازان «قارتتار كۇنىنە» وراي «قارتى بار ءۇيدىڭ-قازىناسى بار» اتتى ءىس-شاراسىن قالامىزدىڭ ارداگەر قارتتارىنىڭ ۇيلەرىنە بارىپ ءۇي شارۋاسىنا قولعابىس ەتىپ، قاجەت دەگەن ىستەرىن ورىنداپ، كوڭىلىنەن شىقتى. ەرىكتى جاستار «1- قازان قارتتار كۇنىمەن» قۇتتىقتاپ، əڭگىمەلەسە وتىرىپ كومەكتەسۋگە كەلگەنىن ايتىپ ءوتتى. قارتتارىمىز ەرىكتى جاستارعا دەگەن اقتىلەگىن ايتىپ، جاستارعا باتالارىن بەردى.
"ادىرنا" ۇلتتىق پورتالى
