Sairam audandyq “Jastar resurstyq ortalyǧy” KMM ūiymdastyrumen Qazaqstan mäslihattarynyŋ 30 jyldyǧyna orai, bılım men ziiatkerlıktı damytuǧa arnalǧan oblystyq “Erudit” intellektualdy oiyny öttı.
Is-şarany Türkıstan oblysy qoǧamdyq damu basqarmasy “Jastar resurstyq ortalyǧy” KMM basşysy Bektaev Ernar Nūralyūly, Sairam audan äkımınıŋ orynbasary Älıpov Madiiar Baqtybaiūly, audan mäslihatynyŋ deputattary Karimov Asanälı İslambekūly men Aidarhanov Darhan Samatūly aşyp, qatysuşylarǧa sättılık tıledı.
Jobanyŋ maqsaty – jastardyŋ bılımge qūştarlyǧyn oiatyp, oi-örısın keŋeitu, logikalyq jäne şyǧarmaşylyq qabıletterın damytu, özara qarym-qatynas pen komandalyq jūmystyŋ maŋyzdylyǧyn ūǧyndyru.
İntellektualdy oiynǧa oblys aumaǧyndaǧy audan, qalalardan jäne audanymyzdaǧy türlı mekemelerden kelgen türlı sala ökılderı men jas erıktılerden qūralǧan 15 komanda qatysty.
Saiys 5 kezeŋnen tūryp, är kezeŋde qatysuşylar tarih, ädebiet, sport, ūlttyq dästürler, logikalyq tapsyrmalar siiaqty ärtürlı salalar boiynşa synǧa tüstı.
Tartysty da, qyzyqty ötken saiystyŋ nätijesınde:
• 1-oryn: Sozaq audanynyŋ “Terıskei” komandasy (300 000 tg);
• 2-oryn: saiysta bırdei ūpai jinaǧan oblystyq "Jastar resurstyq ortalyǧynyŋ" “Alaş” jäne Keles audanynyŋ “Keles” komandalary (200 000 tg);
• 3-oryn: Sairam audanynyŋ “Bäiterek” komandasy (100 000 tg) ielendı.
• “Üzdık talpynys” nominasiiasyn Saryaǧaş audanynyŋ “Konina Power” komandasy jeŋıp aldy (50 000 tg).
Jeŋımpazdar men jüldegerlerge alǧys hattar men qarjylai syilyqtar tabystaldy.
“Erudit” oiyny oblystyŋ bılımdı jastaryn bır ortada jinap, olardyŋ özara dostyq qarym-qatynasyn nyǧaitatyn igı dästürge ainalyp otyr. Atalǧan baǧyttaǧy ıs-şara aldaǧy uaqytta da jalǧasyn tabatyn bolmaq.
Ūqsas jaŋalyqtar
