ستانيسلاۆ چەرچەسوۆ قازاقستان فۋتبول قۇراماسىنان كەتۋى مۇمكىن. بۇل تۋرالى سپورت ءجۋرناليسى ەرمۇحامەد ماۋلەن تەلەگرام ارناسىندا ايتتى، دەپ حابارلايدى “ادىرنا” ۇلتتىق پورتالى.
ماۋلەننىڭ ايتۋىنشا، الداعى ەكى ويىن شەشۋشى بولادى.
«الداعى ەكى كەزدەسۋ ستانيسلاۆ چەرچەسوۆ ءۇشىن وتە ماڭىزدى بولماق. ناتيجەسى تىم ناشار بولسا، جۇمىستان شىعارىلۋى ابدەن مۇمكىن. جاڭا پرەزيدەنت جاڭا باس باپكەردى تاعايىنداعىسى كەلەتىنى انىق»، - دەدى ول.
كەلەسى ويىنداردا قازاقستان ءوز الاڭىندا اۆستريامەن، سىرتتا نورۆەگيامەن وينايدى.
ايتا كەتەيىك، ستانيسلاۆ چەرچەسوۆ قازاقستان قۇراماسىنىڭ باس باپكەرى بولىپ تاعايىندالعالى بەرى ءتورت كەزدەسۋدىڭ ەشقايسىسىندا جەڭىسكە جەتكەن جوق. سوڭعى ويىندا قازاقستاندىقتار سلوۆەنيادان مينيمالدى 0:1 ەسەبىمەن ۇتىلدى.
بۇعان دەيىن چەرچەسوۆ قازاقستان قۇراماسىنىڭ جىلدىڭ شەشۋشى ماتچتارىنا قاتىساتىن قۇرامىن جاريالاعان بولاتىن.
ايتا كەتەيىك، چەرچەسوۆ قازاق ءتىلىن “قورلادى” دەپ ايىپتالىپ، ايىپپۇل ارقالاعان ەدى.
