Stanislav Cherchesov Qazaqstan futbol qūramasynan ketuı mümkın. Būl turaly sport jurnalisı Ermūhamed Mäulen telegram arnasynda aitty, dep habarlaidy “Adyrna” ūlttyq portaly.
Maulennıŋ aituynşa, aldaǧy ekı oiyn şeşuşı bolady.
«Aldaǧy ekı kezdesu Stanislav Cherchesov üşın öte maŋyzdy bolmaq. Nätijesı tym naşar bolsa, jūmystan şyǧaryluy äbden mümkın. Jaŋa prezident jaŋa bas bapkerdı taǧaiyndaǧysy keletını anyq», - dedı ol.
Kelesı oiyndarda Qazaqstan öz alaŋynda Avstriiamen, syrtta Norvegiiamen oinaidy.
Aita keteiık, Stanislav Cherchesov Qazaqstan qūramasynyŋ bas bapkerı bolyp taǧaiyndalǧaly berı tört kezdesudıŋ eşqaisysynda jeŋıske jetken joq. Soŋǧy oiynda qazaqstandyqtar Sloveniiadan minimaldy 0:1 esebımen ūtyldy.
Būǧan deiın Cherchesov Qazaqstan qūramasynyŋ jyldyŋ şeşuşı matchtaryna qatysatyn qūramyn jariialaǧan bolatyn.
Aita keteiık, Cherchesov qazaq tılın “qorlady” dep aiyptalyp, aiyppūl arqalaǧan edı.
