الماتى قالاسىنىڭ سوتى ءماجىلىس دەپۋتاتى داۋلەت تۇرلىحانوۆتىڭ ۇلى – نۇراسىل بولاتقا قاتىستى ۇكىم شىعاردى، دەپ حابارلايدى “ادىرنا” ۇلتتىق پورتالى.
نۇراسىل بولات تۇرلىحانوۆ كوشەدە ەرلى-زايىپتىلاردى ۇرعانى ءۇشىن سوتتالعان بولاتىن. ول ەكى جىلعا باس بوستاندىعىن شەكتەۋ جازاسىنا كەسىلدى. وسى ۋاقىت ىشىندە ويىن-ساۋىق ورىندارىندا بارۋعا تىيىم سالىنعان. پروباتسيالىق باقىلاۋ شارالارى ەلەكتروندى بىلەزىك ارقىلى جۇرگىزىلەدى.
الايدا تۇرلىحانوۆتىڭ ۇلى شەكتەۋ شارالارىن ساقتاعان جوق. تۇندە كاراوكەگە بارعان، ال 11 قازاندا "قازاقستان" قوناق ۇيىندەگى مەيرامحانادا ۆيدەوعا ءتۇسىپ قالدى.
بۇگىن الماتى قالاسىنىڭ سوتى نۇراسىل بولاتقا پروباتسيالىق شەكتەۋلەردى بۇزعانى ءۇشىن ۇكىم شىعاردى.
وعان سايكەس، باس بوستاندىعىن شەكتەۋ جازاسى باس بوستاندىعىنان ايىرۋعا اۋىستىرىلدى. ەندى ول قالعان 1,5 جىل جازاسىن قاۋىپسىزدىگى ورتاشا كولونيادا وتەيدى. دەپۋتاتتىڭ ۇلى سوت زالىندا قاماۋعا الىندى.
