Almaty qalasynyń soty májilis depýtaty Dáýlet Turlyhanovtyń uly – Nurasyl Bolatqa qatysty úkim shyǵardy, dep habarlaıdy “Adyrna” ulttyq portaly.
Nurasyl Bolat Turlyhanov kóshede erli-zaıyptylardy urǵany úshin sottalǵan bolatyn. Ol eki jylǵa bas bostandyǵyn shekteý jazasyna kesildi. Osy ýaqyt ishinde oıyn-saýyq oryndarynda barýǵa tyıym salynǵan. Probaııalyq baqylaý sharalary elektrondy bilezik arqyly júrgiziledi.
Alaıda Turlyhanovtyń uly shekteý sharalaryn saqtaǵan joq. Túnde karaokege barǵan, al 11 qazanda "Qazaqstan" qonaq úıindegi meıramhanada vıdeoǵa túsip qaldy.
Búgin Almaty qalasynyń soty Nurasyl Bolatqa probaııalyq shekteýlerdi buzǵany úshin úkim shyǵardy.
Oǵan sáıkes, bas bostandyǵyn shekteý jazasy bas bostandyǵynan aıyrýǵa aýystyryldy. Endi ol qalǵan 1,5 jyl jazasyn qaýipsizdigi ortasha kolonııada óteıdi. Depýtattyń uly sot zalynda qamaýǵa alyndy.
