ۇلىبريتانيانىڭ بۇرىنعى پرەمەر-ءمينيسترى مارگارەت تەتچەرگە قازاقستان اتىنان بەرىلگەن «دوستىق» وردەنى اۋكتسيونعا شىعارىلدى، دەپ حابارلايدى «ادىرنا» ءتىلشىسى.
حابارلاندىرۋ سيرەك جانە كونە كىتاپتار مەن زاتتاردى ساتۋعا ارنالعان ينتەرنەت-دۇكەندەردىڭ بىرىندە جاريالاندى. وردەن شامامەن 7,9 ملن تەڭگەگە باعالانىپ وتىر.
ايتا كەتەيىك، مارگارەت تەتچەرگە «دوستىق» وردەنى قازاقستان مەن ۇلىبريتانيا اراسىنداعى قارىم-قاتىناستى دامىتۋعا قوسقان ۇلەسى ءۇشىن 2001 جىلى تابىستالعان ەدى. ساتىلىمعا بايلانىستى شىققان تۇسىنىكتەمەدە قازاقستاننىڭ تۇڭعىش پرەزيدەنتى نۇرسۇلتان نازارباەۆ ەكس- پرەمەر-ءمينيستردىڭ جانكۇيەرى بولعان دەگەن اقپارات كەلتىرىلگەن.
