Ūlybritaniianyŋ būrynǧy premer-ministrı Margaret Tetcherge Qazaqstan atynan berılgen «Dostyq» ordenı auksionǧa şyǧaryldy, dep habarlaidy «Adyrna» tılşısı.
Habarlandyru sirek jäne köne kıtaptar men zattardy satuǧa arnalǧan internet-dükenderdıŋ bırınde jariialandy. Orden şamamen 7,9 mln teŋgege baǧalanyp otyr.
Aita keteiık, Margaret Tetcherge «Dostyq» ordenı Qazaqstan men Ūlybritaniia arasyndaǧy qarym-qatynasty damytuǧa qosqan ülesı üşın 2001 jyly tabystalǧan edı. Satylymǧa bailanysty şyqqan tüsınıktemede Qazaqstannyŋ tūŋǧyş prezidentı Nūrsūltan Nazarbaev eks- premer-ministrdıŋ jaqtasy bolǧan degen aqparat keltırılgen.
