Atyraýda gaz tapshylyǵyna baılanysty kólik keptelisi paıda bolǵan, dep habarlaıdy "Adyrna" ulttyq portaly.
Áleýmettik jelide qalada gaz tapshylyǵy paıda bolǵany týraly beıne taraǵan. Kólik júrgizýshileri kólikterine janarmaı quıý úshin 5-6 saǵat kútýge májbúr ekenin aıtyp, shaǵymdanýda.
"Biz munaıly astanada turamyz, biraq únemi gaz tapshy. Jyl saıyn osyndaı máselege tap bolamyz, eshqandaı ózgeris joq", – deıdi turǵyndardyń biri.
Oblystyq turǵyn úı-kommýnaldyq sharýashylyq basqarmasynyń málimetinshe, oblystaǵy janar-jaǵarmaı quıý beketterine 7020 tonna suıytylǵan gaz bólingen.
"Atyraý munaı óńdeý zaýytynda resmı málimet boıynsha josparly jumystarǵa baılanysty óndiris ýaqytsha toqtatyldy. Sondyqtan suıytylǵan gaz kórshiles aýdandardan tasymaldanady. Sonymen qatar qazan aıynda ishki naryqty tolyq qamtamasyz etý úshin mınıstrlik qosymsha 880 tonna avtogaz surady", – dedi oblystyq energetıka jáne turǵyn úı-kommýnaldyq sharýashylyq basqarmasy basshysynyń orynbasary Jantas Ospan.
