وزبەكستاندا تابيعي گاز تاپشىلىعى بايقالۋدا. بۇل تۋرالى قازاقستاننىڭ مۇناي سەرۆيستىك كومپانيالارى وداعىنىڭ باس ديرەكتورى نۇرلان جۇماعۇلوۆ Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
ءبىر كەزدەرى گازعا باي ەل بۇگىندە تۇركىمەنستاندىق جانە رەسەيلىك شيكىزاتقا تاۋەلدى بولىپ وتىر.
“جىل وتكەن سايىن وزبەكستاندىق گازدى قىتايعا ەكسپورتتاۋ قىسقارىپ كەلەدى (لۋكويل وندىرەتىن وزبەكستانداعى گازدى ەكسپورتتىق باعا بويىنشا ساتىپ الۋعا ءماجبۇر). وزبەكستانداعى كوپتەگەن گاز جوباسىن گازپروم بۇرىننان باقىلاۋدا ۇستاپ وتىر. ال مەردىگەرلەر رەسەيلىك Enter Engineering ارقىلى جەتكىزەدى. مىسالى، وزبەكستاننىڭ كومىرسۋتەكتىك شيكىزات ءوندىرۋدى ۇلعايتۋ بويىنشا مەملەكەتتىك باعدارلاماسىنىڭ وپەراتورى 2017-2021 جىلدارى گازپروم بولسا، قارجىلاندىرۋ گازپرومبانك ارقىلى جۇزەگە استى”، - دەپ جازدى قازاقستاننىڭ مۇناي سەرۆيستىك كومپانيالارى وداعىنىڭ باس ديرەكتورى نۇرلان جۇماعۇلوۆ.
ونىڭ ايتۋىنشا، وزبەكتەر قازىر گاز-حيميا كەشەنىن باقىلاۋدا دا قاۋقارسىز.
“وزبەكتەر قازىر شۋرتان گاز-حيميا كەشەنىنە (ميرزيەيوەۆتىڭ ءورشىل جوباسى) باقىلاۋ جۇرگىزۋدەن دە ايىرىلىپ قالۋدىڭ الدىندا تۇر. ءبموز، ءفموز، گازلي گحم، اۆياوتىن مەن تاشكەنت جانە تاشكەنت وبلىسىنداعى ۇشاقتارعا جانار-جاعارماي قۇيۋدى جەتكىزۋدى باقىلاۋدان ايىرىلدى. شىن مانىندە، گاز سالاسى گازپرومنىڭ قولىنا ءوتتى دەۋگە بولادى. ال لۋكويلدىڭ ۇلەسىنە ءونىمدى ءبولۋ تۋرالى كەلىسىمنىڭ شارتى بويىنشا وزبەكستاندا وندىرىلەتىن بۇكىل گازدىڭ ¼ بولىگى عانا تيەسىلى”، - دەدى وداق باسشىسى.
